сфт. 1. Тузилиш, ҳажм, ўлчам жиҳатдан нисбатан катта бўлмаган.
Кичик ўрмон. Кичик шаҳар. Кичик бино. Кичик тош. Кичик арава. Кичик хўжалик. Кичик гавда.
[Отабек] Айвоннинг нариги ёни билан бир боқчагами, майдонгами чиқилишини билиб, шу ёққа юрди ва кичикроқ бир мевазорга чиқди. — А. Қодирий, Ўтган кунлар
Қумда таланиб, бор-ёʻғидан ажраган кичик карвон сочилган нарсаларни йиғиб, отларни эгарлаб, араваларга қўшишга ҳозирлик кўрди. — Мирмуҳсин, Меъмор
Ёʻқ, бундай бўлиши мумкин эмас. Анави кичик жангчича ҳам ёʻқманми? — Шуҳрат, Шинелли йиллар
2. Сиғими, сатҳ ўлчами катта бўлмаган; тор.
Кичик ҳовли. Тўн унга кичик келди.
Аксар шаҳар уйларидек, уста Баҳромники ҳам икки хона, бир айвондан ва кичик саҳндан иборат, ташқисиз эшик эди. — М. Исмоилий, Фарғона тонг отгунча
3. Ёши ўрта даражадан паст, ўрта даражага етмаган; кексанинг акси, ёш.
Кичикларга мурувват қил, катталарни ҳурмат қил. — Мақол
Бир каттанинг гапига кир, бир — кичикнинг. — Мақол
4. Нисбатан ёши паст (кам) бўлган.
Кичик ўғил. Кичик амаки. Икки ёш кичик. Ўзидан кичик дўсти.
Болалардан кичикроқлари чопқиллашиб, Саодатхондан ўзиб кетишди. — С. Зуннунова, Янги директор
Сидиқжон унга мурожаат қилганида, ўзидан кичик бўлса ҳам, Зиёдахон она дер эди. — А. Қаҳҳор, Қўшчинор чироқлари
5. Вазифа, лавозим даражаси паст, қуйи.
Мен ўн бир йил шу идорада кичик бир лавозимда ишладим. — Гулдаста
Бухорода устоз Нажмиддин Бухорий каби катта меъмор бўлмаса ҳам, кичиклари бор. — Мирмуҳсин, Меъмор
6. Ўзи бирикиб келган сўз билдирган амал, касб ва шу кабиларнинг қуйи, паст, бошланғич даражасини билдиради.
Кичик илмий ходим
Яхши йигитлар — армиянинг ҳусни. Кузга бориб, буларни кичик командир қилиб чиқарамиз-а? — Шуҳрат, Шинелли йиллар.
Кичик бир мастер бўлиб чиқарди отин. — Ғайратий
7. Аҳамият, моҳият жиҳатдан катта бўлмаган; арзимас, муҳим бўлмаган.
Кичик хато. Кичик бир мулоҳаза.
Ҳанифа ўз звеносининг кичик бир муваффақияти шундай катта мажлисда оғизга тушадиган бир воқеага айланиб кетишини сира кутмагани учун қаттиқ хижолат тортди. — А. Қаҳҳор, Қўшчинор чироқлари
- Катта бошини кичик қилиб Ўзини паст олиб, камтар тутиб, камтарлик билан (ўз мартабаси, мавқейи ва шу кабилар ҳолатига нисбатан олинади). Раис ҳам катта бошини кичик қилиб, кўпчиликнинг олдида: — Гапирган адашади, юрган қоқилади, — деди. — С. Нуров, НарвонСорокиннинг полкидаги ғалаёнларни яшириш учун Владимир Яковлевич катта бошини кичик қилиб, прапоршикни ўз ҳимоясига олишга мажбур бўлди. — А. Мухтор, Чинор
- Кичик тортмоқ Кичик ҳолга келмоқ; кичиклашмоқ (гавда, тана ҳақида). Бир вақтлардаги гавдали паҳлавон Қобил энди кичик тортиб кетган, кесакранг юзини, нурсиз кўзларини ҳадеб элдан яширар эди. — Ҳ. Ғулом, Машъал