Поиск

ot Kamtarga xos xususiyat, fazilat.

Kamtarlik — inson oʻzligini bilishni, oʻzgalarni hurmat qilishni, odamiylikni: samimiylik, begʻuborlik, mehribonlik, rahm-shafqatlilik kabi nodir fazilatlarni oʻzida mujassam etadi. — Gazetadan

sft. Maqtanishni istamaydigan, oʻzini boshqalardan past oladigan, magʻrurlanmaydigan.

Kamtar odam. Kamtarga — kamol, manmanga — zavol. — Maqol

Haqiqatda u [Ahmad Mahmud] juda kamtar boʻlib, savodsiz, oddiy odamlar bilan ulfatchilik qiladi. — S. Ayniy, Esdaliklar

Kamtar boʻling, magʻrur boʻlmang, kekkaymang, Bir kun xijolatdan siz qilmang attang. — Habibiy

sft. Juda kamtar va itoatkor.

[Farrosh] Darveshnamo, kamtarin, xayolchan kishi edi. — Oybek, Navoiy

Senga men kamtarin farzand erurman. Jigarband-u yaqin payvand erurman. — Habibiy

Qabulga kelgan qiz oʻzini kamtarin tutardi. — Sh. Rashidov, Boʻrondan kuchli

rvsh. kt. Kamtarlik bilan, kamtarlik qilib, maqtanmasdan, magʻrurlanmasdan.

Muhammad Jamol kuchli, samimiy olqishlarga kamtarona taʼzim etib, joyiga oʻtirgach, Sharif Sulaymon oʻz nutqini boshlab yubordi. — Oybek, Nur qidirib

Gʻazal poyoniga yetdi. Tabibiy kamtarona kulumsiradi. — S. Siyoyev, Avaz

ot Kamtarga xos xususiyat, oʻzini yuqori, gʻururli tutmaslik.

Kishining kamtarinligi. Kamtarinlik bilan muomala qilmoq.

Kamtarinlik va ishchanlik uning asosiy xislatidek boʻlib qoldi. — Sh. Rashidov, Qudratli toʻlqin