сфт. 1. Узунлик ўлчами кичик; қисқа.
Кама шим. Калта қалам. Калта ип боғловга етмас. — Мақол
Симни калта кесмоқ.
Мастон калта, аммо ёʻғон икки ўрим сочини бошига ўради-да оёғидаги ағдарма этикни кўздан кечирди. — А. Қаҳҳор, Мастон
2. Узунлиги нисбатан кам, етарли эмас; қисқа.
Унинг ипак салласи нозик қилиб ўралган, калта енгли ипак абоси ўзига жуда ёпишиб туради. — П. Қодиров, Юлдузли тунлар
Арслон ҳам эгасининг буйруғини кутаётгандай, калта думини қимирлатиб — С. Анорбоев, Оқсой
3. Вақт нуқтаи назаридан қисқа, тез тугайдиган, узоқ давом этмайдиган.
Калта кун.
Соат кетидан соат ўта берди. Калта куз куни оғди. — С. Анорбоев, Оқсой
Бу гаплашув ҳам калтагина савол-жавобдан иборат бўлди. — Чўлпон, Кеча ва кундуз
Ингичка ва ёʻғон, калта ва чўзиқ товушлар кекирдаклари узилиб кетмайдими бу хўрозларнинг? — И. Раҳим, Ихлос
- Гапни калта қилмоқ Гапни чўзмаслик. Аммо инсон қалбини шиллиқ қуртдек кемириб ташлайдиган гумон ва шубҳа ич-ичини кемираётганидан ижирғанди, сездириб қўймаслик учун гапини калта қилди. — С. Кароматов, Олтин қум
- Калта ўйламоқ Яхшилаб, пишиқ қилиб ўйламаслик, юзаки ўйламоқ. Айб ўзимда. Калта ўйлабман. Тўй бўлмайди. — Ойбек, Олтин водийдан шабадалар.
- Қўли калта Имконияти чекланганликни, иложсизликни билдиради. Ўйлаб қарасам, дўппи тор экан... каттароқ иш қилишга қўлимиз калта экан. — И. Раҳим, Ихлос