Qidiruv

ot 1. Jonivorlarning boshi (odatda, chorva mollarining boshi haqida).

Otning kallasi. Hoʻkizning kallasi. Filning kallasi.

2. Soʻyilgan chorvaning boshi (xom yoki pishirilgan).

Kalla goʻshti. Kalla kuydirmoq,. Kalla shoʻrva.

Hech bir toʻy-tomosha oqsoqolsiz oʻtmasdi. Birontasi echki soʻygudek boʻlsa, kallasini eng avval oqsoqol oldiga qoʻymasdan iloji yoʻq. — P. Tursun, Oʻqituvchi

3. s. t. Odam gavdasining yuqori qismi, boshi.

Har kallada bir xayol.

U [amir] kulgan sari qiltiriqday boʻyniga kallasi ogʻirlik qilib, dam oldinga, dam orqasiga ogʻib ketar edi. — S. Anorboyev, Oqsoy

Qiz kallasini chayqab, qoʻllarini yeng-sochbogʻ ichiga tiqib oldi. — S. Siyoyev, Avaz

4. Boshi katta kishi ismiga laqab sifatida qoʻshib ishlatiladi.

Ahmad kalla. Karim kalla

Hammasi ham Gʻiyos kallaga oʻxshagan betavfiq boʻlaverarmidi? — M. Ismoiliy, Fargʻona tong otguncha

5. s. t. Koʻchma Aql, miya.

Kallasi bor odam koʻp chekmaydi. Bolaning kallasi joyida. Kallangni ishlat!

Oʻzimning kallam bor, sening maslahatingsiz ham eplab ketaman. — S. Siyoyev, Otliq ayol

6. s. t. Koʻchma “Nodon”, ahmoq, kallavaram kabi maʼnolarda ishlatiladigan undalma.

ot 1. Daraxt tanasining shox-butoqlari kesib tashlangan yuqori qismi, kesilgan shoxi, butogʻidan qolgan qismi.

Abror, oʻgʻlim, ana u behining kallagiga gazeta qistirib qoʻygan edim, shuni olib kel. — A. Qahhor, Asror bobo

Podishoning dori shu Guliston shahrining bir chekkasida, kallak tutga yaqin joyda edi. — Murodxon

2. Biror narsaning bosh qismi.

Silindrlar kallagi. Raketaning yadroli kallagi.

3. maxs. Kulolchilikda idish va boshqalar yasashda ishlatiladigan moslama — charxning loy qoʻyiladigan joyi.

Kulol charx kallagiga qoʻygan gumbaz-loydan idish yasab, olmadek ortib qolganini tashlab yubormay, hushtak yasaydi. — Mirmuhsin, Meʼmor

sft. Kallasi, boshi katta.

Kallador, choʻtirsimon, yum-yumaloq rais katta qornini silkib kuldi. — Oybek, Oltin vodiydan shabadalar

ot 1. Kallapaz ishi, kasbi.

Kallapazlik qilmoq. Kallapazlikni yigʻishtirmoq.

2. Kalla-pocha va ich (ichki aʼzo)lardan tayyorlangan taomlar bilan savdo qilinadigan joy.

Matpano uning yonidan aylanib oʻtdi-da, kallapazlikka burildi. — S. Siyoyev, Avaz

sft. 1. Terisi shilib olingan mol kallasi.

2. Qora molning kalla terisi.

Kallaxom charm.

sft. 1. Boshi juda katta, katta boshli.

Eshikdan qamchinini yelkasiga qistirgan, baland boʻyli, yagʻrindor, kallaxum yigitcha kirdi. — Oybek, Oltin vodiydan shabadalar

2. ayn. Xomkalla, kallavaram.

Sovxoz rahbarlari bilan mening oramdan qora mushuk oʻtgan-u, men kallaxum bilmay qolganman. — Gazetadan