Қидирув

от 1. ҳуқ. Давлат қонунлари билан белгиланган тартибга хилоф ва шу қонунларга асосан жавобгарликка тортишни талаб қиладиган, жамоат учун хавфли хатти-ҳаракат.

Оғир жиноят. Амалдан фойдаланиб қилинган жиноят. Жиноят устида ушламоқ.

Тергов тугаши учун эса жиноятга иқрор бўлиш керак. — Ҳ. Ғулом, Машъал

Бир марта жиноят қилган одам ўша жиноятини ёпиш учун яна ўн марта жиноят қилишдан хам қайтмас экан. — Н. Фозилов, Дийдор

2. кўчма Ёмон оқибатларга олиб борадиган зарарли хатти-ҳаракат, иш; гуноҳ.

Бас, сиз билан биз, Тожибой ака, бу ишга раҳбарлик қилиш ўрнига қўл силтар эканмиз, жиноят қилган бўламиз ва бунинг учун халқ олдида жавобгар бўламиз. — П. Турсун, Ўқитувчи

Бундай ишни кечиктириш жиноят. — Ш. Рашидов, Ғолиблар

от

Хавфли жиноятчи. Ҳарбий жиноятчи.

Раёндан келган терговчи уч кун овора бўлиб, жиноятчиларнинг изини тополмади. — А. Қаҳҳор, Қўшчинор чироқлари

Элмурод аччиқ истеҳзо билан кулди: — Гапини қаранг-а. Жиноятчига жазо талаб қилиш уят бўлар эмиш. — П. Турсун, Ўқитувчи

сфт. Айб, гуноҳ қилган киши.

[Майсара:] Бўлди ўйин хам. Вақт кетди, қани обчиқинг бу жинояткорларни! Ҳордиқ чиқсин. — Ҳамза, Майсаранинг иши

— Агар Ҳасан жинояткор бўлса, мен жинояткор бўла қолай, сизлар колхозни истаганларингча бузинглар, — деди Фотима. — С. Айний, Қуллар

от Жамият учун хавфли хатти-ҳаракат.

Республика судлов органлари халқнинг хоҳиш-иродасини бажара бориб, жиноятчиликка қарши курашни кучайтирдилар. — Газетадан

от Жиноят билан шуғулланиш, жиноятчилик; айб, гуноҳ.

Улар жинояткорлик қилиб юрган вақтларида, одам ўлдиришда тажриба орттирганларнинг бу ишда кўллари титрамас ва юраклари ҳуркмасди. — С. Айний, Бухоро жаллодлари

рвш. Жиноий ёʻл билан, жинояткорларча.

Бундай жинояткорона бепарволик қилишимга нима сабаб бўлди? Ўзимнинг гўллигим, бефаҳмлигим сабаб бўлди [деди Абдусамадқори]. — А. Қаҳҳор, Қўшчинор чироқлари

Ғўза ва бошқа чопиқ қилинадиган экинларни кўллатиб суғориш қатъиян тақиқланади. Чунки бундай қилиш сувни жинояткорона талон-торож қилишга сабаб бўлади. — Газетадан