Qidiruv

sft. 1. Yarador, yaralangan, shikast yegan.

Hozir saroyning ayni dargʻazab chogʻi — hazrat jarohatli yotibdilar. — Mirmuhsin, Meʼmor

2. koʻchma Alam oʻtgan, dogʻlangan, ozor toptan; alamdiyda.

Mazkur poetik obraz tarixiga nazar tashlasak, unda davrning suronli, jarohatli, gʻam-gʻussali nidosi aks etgan. — OʻTA

ot 1. Shikastlangan, singan, chiqqan, yaralangan joy; yara-chaqa.

Ogʻir jarohat. Yengil jarohat.

Doktor nazoratida, kunlar oʻtgan sari jarohatdagi yalligʻlanish qaytib, oyogʻim yerdan yengil koʻchadigan boʻlib qoldi. — N. Safarov, Olovli izlar

Gʻulomjon soʻnggi zarbaning ogʻir jarohatidan uzoq vaqtlargacha tuzala olmay yurdi. — M. Ismoiliy, Fargʻona tong otguncha.

Bir chol jarohatimga kigiz kuydirib bosdi va boldirimni latta bilan bogʻlab qoʻydi. — A. Qahhor, Oʻtmishdan ertaklar

2. koʻchma Katta zarar, ziyon-zahmat.

Biz misli koʻrilmagan qisqa muddat ichida urushning ogʻir jarohatlarini tuzatib oldik. — Gazetadan

3. koʻchma Alam, iztirob.

Bu voqea Elmurodning dilida ogʻir jarohat qoldirdi. — P. Tursun, Oʻqituvchi

Mezbon oʻzi bilmagan holda hazilga yoʻyib aytgan ikki ogʻiz soʻzi bilan Yigitalining yuragidagi jarohatga tegib ketganini sezmadi. — D. Nuriy, Osmon ustuni

fl. 1. Yarador qilmoq, shikast yetkazmoq.

A. Ulyanov gʻirt mast holda bezorilik qilib, F. I. Kravchukni jarohatlagan. — Gazetadan

2. koʻchma Iztirobga solmoq; azob bermoq.

Hamma ish joyida, lekin bir narsagina koʻngilning ingichka yerini jarohatlaydi. — A. Qodiriy, Oʻtgan kunlar

fl. Jarohatlamoq feʼlining majhul nisbati.

некрогормоны

arabchaيوجد شخص مصاب, Yuujad shaxs musaabruschaЕсть раненый/пострадавшийinglizchaThere is an injured person