Qidiruv

ot 1. Sinfiy, milliy, huquqiy manfaatlarni himoya qilib koʻtariladigan qoʻzgʻolon; gʻalayon.

Bu [isyon] — ulugʻ xalq isyoni, bu — asrlardan buyon davom etgan jabrga, qullikka qarshi mustamlaka kambagʻallarining qoʻzgʻoloni, dahshatli zarbasi edi. — Oybek, Tanlangan asarlar

2. koʻchma Qarshilik, norozilik bilan qoʻzgʻaluvchi, tugʻyon uruvchi his-tuygʻu.

Kishi qalbida haromdan hazar, nopoklikka, adolatsizlikka nisbatan murosasiz isyon boʻlishi kerak. — Gazetadan

Zulm, taxtga qarshi isyon Sharq koʻksida toʻlib toshdi. — Gʻayratiy

yuragida yigʻilgan hamma dard-u sitamlari, hamma alam, hamma isyonlarini toʻksa arziydigan qasosli onlar keldi. — O. Yoqubov, Koʻhna dunyo

ot ayn. Isyonkor 1.

Toshkandning Qoʻqonga qarshi isyon qilgan zamonida, isyonchilardan biri Yusuf hojidek bir kimsaning oʻz oʻgʻlini Margʻilonga yuborib, bunda ham isyon chiqarish qasdida boʻlmogʻi, uningcha [qushbegicha] haqiqatga juda yaqin va shubhasiz edi. — A. Qodiriy, Oʻtgan kunlar

sft. 1. Isyon koʻtaruvchi yoki isyon koʻtargan; isyonchi, qoʻzgʻolonchi.

Davlatning yaxlitligini saqlab qolmoq uchun isyonkor va makkor oʻgʻliga qarshi yurish qilishdan boshqa iloji qolmadi [Ulugʻbekning]. — Mirmuhsin, Meʼmor

Chor hokimiyati isyonkor fuqarodan shafqatsiz ommaviy qasos oldi. — N. Safarov, Olovli izlar

2. Isyonga chorlovchi, isyonga daʼvat etuvchi.

Isyonkor shoir.

Olovday qizib turgan miyasida isyonkor fikrlar tugʻyon qilardi. — O. Yoqubov, Qanot juft boʻladi

Lekin shoirning isyonkor ovozini tindira olmadi. — Gazetadan

n rebellion, mutiny, revolt

n rising, uprising, revolt, insurrection

• qurolli isyonkorlik armed revolt (rising, insurrection); rising in arms
• xalq isyonkorligi popular uprising

Isyonga chorlovchi; isyonkorlik bilan, boʻysunmasdan.

Bu shoir qalbida isyonkorona sheʼr tugʻilishidan darak edi. — S. Siyoyev, Avaz

Xotin-qizlar isyonkorona kurashga oʻtib, qoʻshiqlar kuylaganlar. — Folklor