Поиск

ot 1. Issiq holat (daraja).

Qum barxanlari silsilasi uzra jimirlab harorat koʻtarilar — bu yerda issiqlik juda baland boʻlishiga qaramay, Meʼmor qiynalmay nafas olar edi. — Mirmuhsin, Meʼmor

2. ayn. Issiq 1.

Reaktorda boʻladigan issiqlikni chiqarib tashlash uchun ikki konturli sistema qoʻllanadi. — Fan va turmush

Kumush issiqlik va elektrni boshqa metallarga qaraganda yaxshi oʻtkazadi, yorugʻlikni yaxshi qaytaradi. — Gazetadan

3. Xalq tabobatida: yuqori kaloriyali taom, yegulik-ichkiliklar (qazi, palov, shirinlik va boshqalar)

Yalpiz. Issiqlik siqib chiqarilgan seliga picha sirka qoʻshib ichilsa, ichki aʼzolarda sodir boʻladigan qon quyulishini toʻxtatadi. — K. Mahmudov, Koʻkda gap koʻp

Sharq xalqlari orasida ovqatlarni issiqlik va sovuqlik deb boʻlib ham yuritiladi. — N. Ismoilov, Kasallarni parvarish qilish

4. tib. Qattiq terlash va terning sekin bugʻlanishi oqibatida yoki birorta kasallik tufayli terida paydo boʻladigan toshma, pufakchalar.

Bolaning badaniga issiqlik toshibdi.

5. koʻchma Yaxshilik, foyda, yorugʻlik.

Dehqon bundan issiqlik chiqishiga ishonchini yoʻqotgach, asabiylashgan holda qichqirdi. — Sh. Rashidov, Boʻrondan kuchli

sft. 1. Jism tarkibidagi molekulalar harakati (yonish, kimyoviy reaksiya va shu kabilar) natijasida yuzaga keladigan va jismlarni qizdiradigan, isitadigan kinetik energiya; issiqlik, harorat. Quyoshning issigʻi. Olovning issigʻi.

Issiq birmuncha boʻshashgandek tuyulsa ham, dimlik zaptida edi. — M. Ismoiliy, Fargʻona tong otguncha

Sharofatxon supaning chetiga kelib oʻtirdi, oq shohi roʻmoli bilan yelpinib, issiqdan shikoyat qildi. Oybek, — Tanlangan asarlar

2. Kasallikda yuzaga keladigan (koʻtariladigan) harorat; isitma.

Oftob oyim erining soʻzini kuchlab tushdi: Issigʻi bor, yuzi ham qizarib, boʻrtib turibdi. — A. Qodiriy, Oʻtgan kunlar

Issigʻim koʻpligidan suv ustiga suv ichar edim. — M. Ismoiliy, Fargʻona tong otguncha

3. sft. Yuqori haroratli, biror manba harorati bilan isigan, qizigan; issiq holatli.

Issiq suv. Havo issiq.

Shundoq issiq kunda qora koʻylak kiyishidan azadorligi bilinib turardi. — S. Ahmad, Ufq

Sherbek uning qoʻlini issiq kaftlari orasiga oldi. — S. Anorboyev, Oqsoy

4. sft. Issiqlikni saqlaydigan, issiq tutadigan.

[Egnida] Issiq va yangi palto, oyogʻida ichi jun botinka, qorakoʻl qalpoq, qorni toʻq. Mirmuhsin, — Umid

Issiq kiyingan yoʻlovchilar dam-badam burun va quloqlarini ushlab, oʻz tashvishlari bilan yugurib-yelardilar. — Oʻ. Usmonov, Sirli sohil

5. Qozon ovqati, pishirilgan (issiq) taom.

Yaxshiyam shu qoʻshning bor ekan, dugonang. Boshim yostiqqa tegganda, oʻzi, bolalari oʻtib, bir qoshiq issiq qilib beradi, doʻxtir chaqirib keladi. — S. Nurov, Narvon

Kechadan beri [Kumushning] ichiga issiq kirgani yoʻq. — A. Qodiriy, Oʻtgan kunlar

Hammamiz deyarli har kun bir qoshiq issiqqa muhtojmiz. — A. Qodiriy, Kichik asarlar

6. sft. Koʻchma Kishiga xush keladigan; yoqimli.

Yulduzxon unga yengilgina bosh irgʻadi va bir kulib qaradiki, Muhiddin shu vaqtgacha qizlar kulgisining bu qadar jozibali, chiroyli, issiq boʻlishini sira uchratmagan edi. — R. Fayziy, Choʻlga bahor keldi

Luqmoncha xuddi yumalaganday yugurib, medpunktga kirib borarkan, Elchibek uni chaqirib, bir issiq gap aytgisi keldi. — A. Muxtor, Tugʻilish

Elektrovakuum asboblarning sovitish tizimidagi, qisman issiqlik tashuvchi bilan toʻldirilgan germetik trubkadan iborat issiqlik uzatuvchi element.русскийтепловая труба, Теплопередающий элемент в системах охлаждения электровакуумных приборов, представляющий собой герметизированную трубку, частично заполненную теплоносителем.английскийheat pipe

Termodinamik hodisalar sabab boʻlgan shovqin.

Termodinamik hodisalar sabab boʻlgan shovqin.

арабскийمدفأة, Midfaaahрусскийбатарея (обогреватель)английскийBettery heater