Қидирув

от 1. Бошқа жинсдаги шахсга берилиш, интилиш (мойиллик) ҳис-сезгиси.

Мажнуннинг Лайлига ишқи. Ишқ савдоси. Ёр ишқида ёнмоқ.

Ишқи ёʻқ — эшак, дарди ёʻқ — кесак. — Мақол

Бир вақтлар ишқ можароларини ёлғиз эртаклардан тинглаган Гулнор энди ўзи ишқнинг олов кўйлагида яшар эди. — Ойбек, Танланган асарлар

2. кўчма Зўр ички интилиш; иштиёқ.

Одатда, навбаҳор келиши билан қалби яратиш ишқи билан туғён урувчи сахий боғбонлар, пахтакорлар ва ишчилар йил бўйи қилиниши лозим бўлган ишларни хомчўт қилиб оладилар. — Газетадан

Ажабо, устознинг инсон қалбига солган ижод ишқи шогирднинг матонати билан қўшилса, мўжиза туғиларкан. — Гулдаста

сфт. Ишқ-муҳаббатга оид; ишқни ифодаловчи.

Ишқий шеър. Ишқий драма,

Гулнор ишқий кечинмалар, белгисиз хаёллар ичида ўртаниб, ёлғиз ётаркан, ҳовлида отасининг овозини, қўй маърашини эшитди. — Ойбек, Танланган асарлар

Оқила муҳаббатни ишқий мактубларсиз, учрашувларсиз тасаввур қила олмади. — Ю. Шомансур, Қора марварид

от 1. ким. Металларнинг аралашувидан ҳосил бўлган, сувда яхши эрийдиган асослар, масалан, ўювчи натрий, ўювчи калий.

2. Шундай моддали эритма.

фл. айн. Ишқаламоқ.

Ёрмат севинганидан кафтини ишқаб, кулиб, танчадан бир қадам нарига чўкка тушди. — Ойбек, Танланган асарлар

от Меҳр-ҳавас қўйган, берилган; ҳавасманд.

Мусиқага ишқибоз одам. Отга ишқибоз. Спортга ишқибоз.

Ҳамро аканинг қизи Обида қишлоқ мактабида ўқиб юрган кезларидан машинага ишқибоз эди. — Ҳ. Назир, Маёқ сари

Овга ишқибоз ёш-ялангнинг куни туғди: тоғда дон тополмай оч қолган какликлар гала-галаси билан дарага ёпирилиб тушган. — С. Анорбоев, Оқсой

Нима қилиб бўлса-да, ҳар қалай, ҳар ҳолда.

Бобохўжа домла ҳамма-вақт бир хилда ўқитар, бир хилда ёздирар, ишқилиб, бир амаллаб вақтни ўтказар эди. — П. Турсун, Ўқитувчи

Мажлис қизиб кетди. Қатнашувчиларнинг кўпчилиги озми-кўпми, яхшими-ёмонми, ишқилиб, гапирди. — А. Қаҳҳор, Қўшчинор чироқлари