Qidiruv

ot 1. Boshqa jinsdagi shaxsga berilish, intilish (moyillik) his-sezgisi.

Majnunning Layliga ishqi. Ishq savdosi. Yor ishqida yonmoq.

Ishqi yoʻq — eshak, dardi yoʻq — kesak. — Maqol

Bir vaqtlar ishq mojarolarini yolgʻiz ertaklardan tinglagan Gulnor endi oʻzi ishqning olov koʻylagida yashar edi. — Oybek, Tanlangan asarlar

2. koʻchma Zoʻr ichki intilish; ishtiyoq.

Odatda, navbahor kelishi bilan qalbi yaratish ishqi bilan tugʻyon uruvchi saxiy bogʻbonlar, paxtakorlar va ishchilar yil boʻyi qilinishi lozim boʻlgan ishlarni xomchoʻt qilib oladilar. — Gazetadan

Ajabo, ustozning inson qalbiga solgan ijod ishqi shogirdning matonati bilan qoʻshilsa, moʻjiza tugʻilarkan. — Guldasta

sft. Ishq-muhabbatga oid; ishqni ifodalovchi.

Ishqiy sheʼr. Ishqiy drama,

Gulnor ishqiy kechinmalar, belgisiz xayollar ichida oʻrtanib, yolgʻiz yotarkan, hovlida otasining ovozini, qoʻy maʼrashini eshitdi. — Oybek, Tanlangan asarlar

Oqila muhabbatni ishqiy maktublarsiz, uchrashuvlarsiz tasavvur qila olmadi. — Yu. Shomansur, Qora marvarid

ot 1. kim. Metallarning aralashuvidan hosil boʻlgan, suvda yaxshi eriydigan asoslar, masalan, oʻyuvchi natriy, oʻyuvchi kaliy.

2. Shunday moddali eritma.

fl. ayn. Ishqalamoq.

Yormat sevinganidan kaftini ishqab, kulib, tanchadan bir qadam nariga choʻkka tushdi. — Oybek, Tanlangan asarlar

ot Mehr-havas qoʻygan, berilgan; havasmand.

Musiqaga ishqiboz odam. Otga ishqiboz. Sportga ishqiboz.

Hamro akaning qizi Obida qishloq maktabida oʻqib yurgan kezlaridan mashinaga ishqiboz edi. — H. Nazir, Mayoq sari

Ovga ishqiboz yosh-yalangning kuni tugʻdi: togʻda don topolmay och qolgan kakliklar gala-galasi bilan daraga yopirilib tushgan. — S. Anorboyev, Oqsoy

Nima qilib boʻlsa-da, har qalay, har holda.

Boboxoʻja domla hamma-vaqt bir xilda oʻqitar, bir xilda yozdirar, ishqilib, bir amallab vaqtni oʻtkazar edi. — P. Tursun, Oʻqituvchi

Majlis qizib ketdi. Qatnashuvchilarning koʻpchiligi ozmi-koʻpmi, yaxshimi-yomonmi, ishqilib, gapirdi. — A. Qahhor, Qoʻshchinor chiroqlari