Qidiruv

ot 1. Pilla qurti chiqargan juda ingichka, pishiq, yaltiroq, tovlanib turadigan muloyim tola va undan yigirilgan ip.

Xom ipak. Pishitilgan ipak.

Ipak tolalari sifatini yanada yaxshilash borasida olib borilgan izlanishlar ijobiy yakunlandi. — Gazetadan

Adolat qopchigʻini ochdi. Unda angishvonadan tortib, ip, ipaklargacha bor edi. — I. Rahim, Chin muhabbat

2. Shunday iplardan toʻqilgan mato, shoyi va undan tikilgan kiyim yoki buyum.

Ipak gilam. Ipak roʻmol.

Zaynab ham tamom ipaklarga koʻmilib yasangan, kecha erga tekkan yangi kelinlar suratiga kirgan edi. — A. Qodiriy, Oʻtgan kunlar

3. koʻchma Muloyim, nozik.

Botirali xotinining qalin ipak sochini silab gapirdi. — H. Gʻulom, Mashʼal

sft. Ipagi bor, ipakdan toʻqilgan.

Xaltachaning ipakli bogʻichi.

ot 1. ayn. Ipakfurush.

2. Pilla va ipak tayyorlash bilan shugʻullanuvchi.

ot 1. 1 Ipakli gazlamadan, shoyidan qilingan, tikilgan kiyim.

Ipaklik kiymoq.

2. Ipak mato.

Nigora chamadonini ochdi ichini tita boshladi. Yangi guldor dasturxon, bir-ikki joʻra ipaklik, yana jildli, jildsiz kitoblar. — S. Anorboyev, Oqsoy

ot 1. Qishloq xoʻjaligining pilla yetishtirish ishi bilan shugʻullanadigan tarmogʻi.

Ipakchilik xoʻjaligi. Ipakchilik boshqarmasi.

2. Yengil sanoatning asosan tabiiy va sunʼiy ipak tolasi va boshqalar turli tolalar birikmasidan ipak (shoyi) gazlamalar toʻqib chiqaradigan tarmogʻi.

Ipakchilik kombinati (fabrikasi).

ot Ipak yoki ipakli gazlama sotuvchi savdogar.

Poyakilikdan nosvoyni olaman-da, tanish ipakfurush yahudiydan onam buyurgan ipakni xarid qilgani joʻnayman. — Oybek, Bolalik