от Адолат ва виждон билан иш тутиш туйғуси, ишда, кишиларга муносабатда ҳалоллик, тўғрилик.
Ман кучимни, теримни тўкай, фойдасини сояпарвар бойлар кўрсин, ман икки қўлимни бурнимга тиқиб қолаверай! Қани инсоф! Ойбек, — Танланган асарлар
кекса Ҳосимбекни камарга жойлаб, ўзи [Бобур] кўпчилик навкарлар қатори ялангликда, қор бўрони тагида ўлтиргани Султоннинг инсоф ва диёнат туйғусини уйғота бошлади. — Тафаккур
- Инсоф бермоқ Инсофга келтирмоқ, инсофли қилмоқ. — Мўмин амакимнинг гапи рост бўлса, [дадам ароқни] худо инсоф берган куни ташлайди, — деди Саид — .Э. Раимов, Ажаб қишлоқЯхшики, калтакламади. Худо ўзи инсоф берди. — П. Турсун Ўқитувчи.
- Инсоф билан айтганда Нарса-ҳодиса. фикр ва шу кабиларнинг чинлигини, ҳақиқатга мослигини қайд этади; тўғриси. Инсоф билан айтганда, ишлар ёмон эмас. — О. Ёқубов, Эр бошига иш тушсаИнсоф билан айтганда, Ёрмат ака, бизга ўхшаш хизматкорларнинг шўри қуриди. — Ойбек,Танланган асарлар
- Инсоф кирмоқ Инсоф билан, инсоф доирасида иш тутадиган бўлмоқ. Хайрият, инсоф кириб қопти. — С. Аҳмад, Уфқ
- Инсоф қилмоқ Инсоф билан иш тутмоқ. — Саксонта қовунга-я? Уч сўм? — деҳқон тескари бурилди. — Инсоф қилинг, баққол ака! — Ойбек,Танланган асарлар
- Инсофга келмоқ Инсоф ҳисси юзага келмоқ, инсофан иш тутишга ўтмоқ. Жонфиғон охири инсофга келиб, шу бу йил қишда нон заводига ишга кирибди. — А. Қаҳҳор, Жонфиғон.
- Инсофдан эмас Инсоф талабларига зидликни билдиради. Сизнинг отангиз сарбоз эмас, меъмор, кишини қариган чоғларида ташвишга солиш инсофдан эмас. — Мирмуҳсин, Меъмор