Qidiruv

ot 1. Ekin, daraxt kabilardan yetishtiriladigan, olinadigan don, sabzavot va shu kabilar

Xalqim yetishtirgan hosil choʻgʻiga Baland togʻlar hayron qarab turibdi. A. Oripov, Yillar armoni. tarvuzning eng qimmatli navlari ekilib, moʻl hosil olindi. — Gazetadan

Samarqand atrofidagi bogʻlarda mevali daraxtlarning shoxlari, yetilgan hosildan egilib, yerga salom beradi. — Saodat

Bu yil hosil miqdoridan tashqari tola sifatiga alohida eʼtibor beriladi. — Gazetadan

2. Hosil (erkaklar ismi).

ot 1. Biror ish, amal, harakat yoki narsadan kelib chiqqan, keltirib chiqarilgan, hosil qilingan natija, narsa.

Garchand, inson ongi, tafakkuri moddiy olam hosilasi esa-da — OʻTA

2. mat. Differensial hisobda: funksiyaning oʻzgarish tezligini ifodalovchi asosiy tushuncha.

3. Hosila (xotin-qizlar ismi).

sft. Hosil beradigan.

Hosilli bogʻ.

Umaralining brigadasi yuqori hosilli brigada hisoblanadi. — I. Rahim, Ixlos

ot 1. esk. ayn. Hosil 1.

Koʻrdingiz-ku, qancha yerga ekin ekkanman Har yil xoʻjayinga arava-arava hosilot beraman. — Oybek, Tanlangan asarlar

Biz topshirgan hosilot Sizga shirin osh boʻlsin. — Z. Diyor.

2. tar. s. t. Hosilot kengashining raisi.

U [Pirnazar] uzoq yillar kolxozda rahbarlik oʻrinlarida ishlagan, brigadir boʻlgan, hosilot boʻlgan, besh-olti yil raislik ham qilgan. — R. Rahmonov, Mehr koʻzda

sft. Koʻp hosil beradigan; serhosil, unumdor.

Besh tup hosildor tutni qirqtirib, Xoʻjaobodda turuvchi onasiga sarjin qilib berdi. — Mushtum

Qadimgi mulkdorlarning hosildor yer va bogʻlarigina emas, balki boshqa ishlab chiqarish qurollari ham endi batamom kolxozga oʻtishi lozim edi. — P. Tursun, Oʻqituvchi

sft. Hosil bermaydigan yoki kamhosil.

Hosilsiz yer. Hosilsiz daraxt.