Қидирув

от 1. Ҳаёт, иш-фаолиятда бўладиган ёрдам, қўллаб-қўлтиқлаш; ҳомийлик, паноҳ.

Подшоҳ ҳазратлари мени сизнинг ҳимоянгизга топширган эдилар! Агар босқинчиларни топиб жазо бермасангиз, мен подшоҳ ҳазратларининг ҳузурларига паноҳ истаб кетишга мажбурмен! — П. Қодиров, Юлдузли тунлар

У ҳазратнинг укалари Бойсунқур мирзо отамларни ва устоз Қавомни ўз ҳимояларига олганлар. — Мирмуҳсин, Меъмор

У Бобурнинг отаси ўрнига ҳукмдор бўлганини эшитиб, ундан ҳимоя сўраш ниятида аркка борган эди. — П. Қодиров, Юлдузли тунлар

2. Хавф-хатар, ҳужум кабилардан сақлаш, қўриқлаш иши; муҳофаза, мудофаа.

Ҳар куни бирор уйдан кимдир хайрлашгани кирарди. Қишлоқнинг сара йигитлари армияга — Ватан ҳимоясига кетдилар. — И. Рахим, Чин муҳаббат

Ҳимояда ётган одамларга тунги ҳужум ва шовқин-сурон оғир таъсир қилишини Шайбонийхон яхши билар эди. — П. Қодиров, Юлдузли тунлар

3. Умуман, бирор хавфли, зарарли нарса-ҳодисадан сақлаш, сақланиш иши.

Реактор сув қатлами, темир ҳалқа ва бетон девордан ташкил топган кучли ҳимоя воситаси билан ўралган. — Фан ва турмуш

Механизатор кабинадан тушиб, ҳимоя тўсиқларини яна бир карра текшириб кўрди-да, рулга ўтирди. — Газетадан

4. спрт. Футбол, волейбол каби ўйинларда команданинг рақиб томон ҳужумини қайтариш вазифасини бажарувчи қисми.

Бу ўйин команданинг ҳимоясида етарли муаммолар борлигини кўрсатди.

Бундай команда билан ҳимояда туриб ўйнаш ҳазилми? Бирор хатога ёʻл қўйдинг — балога қоласан. — Р. Азизхўжаев, Яшил чайла

5. ҳуқ. Судланувчи тарафини олиб қилинадиган хатти-ҳаракат, айтиладиган фикр-мулоҳаза; оқловчи томон.

6. Илмий кенгаш ёки махсус комиссия муҳокамасига тақдим этилган ишда (диссертация, лойиҳа ва шу кабиларда) олға сурилган қарашлар, фикр-мулоҳазаларнинг эътироф этилиши ва тегишли илмий даража ёки унвонни олишга ҳаракат қилиш иши.

Лойиҳани ҳимояга қўймоқ.

Пошша холанинг кўнгли жойига тушди. Куёвининг кандидатлик ҳимояси куни олдинги қаторда савлат тўкиб ўтирди. — Д. Нурий, Осмон устуни

сфт. эск. кт. айн. Ҳимоя 1.

Бугун маликанинг меҳри тушган, унинг ҳимоятидаги Оққиз бўлғуси куёви билан куч синашарди. — М. Махмудов, Мангу куй излаб

Бир хил ота-оналар касаллик ё қарилик натижасида болаларининг моддий ҳимоятларига муҳтож бўлсалар, бошқалар бунга эҳтиёж сезмайдилар. — М. Исмоилий, Фарғона тонг отгунча

от 1. Қўллаб-қувватловчи, ёрдам берувчи; ҳомий.

Отахўжа аканинг гапида жон борлигини тушуниб, корандалар жим ўтирар, энди уларнинг ҳимоячиси борлиги далда берарди. — С. Юнусов, Кутилмаган хазина

Дарҳақиқат, ҳимоячи акалари туфайли унинг дўпписи доимо қайтоқи. — Муштум

2. Ҳужум, босқин ва шу кабилардан қўриқловчи, ҳимоя қилувчи.

Ватан ҳимоячилари.

Самарқанддан қайтган чопар Бобурнинг ҳаёт билан ўлим орасида беҳуш бўлиб ётганини айтиб бергандан кейин, қалъа ҳимоячиларининг бир қисми фитначилар томонга қочиб ўтиб кетди. — П. Қодиров, Юлдузли тунлар

Армия ҳарбий советининг мурожаати, айниқса, кичик ер ҳимоячиларининг кучига куч, ғайратига ғайрат қўшди. — Т. Рустамов, Мангу жасорат

3. ҳуқ. Судда айбланувчининг манфаатини ёқловчи, уни ҳимоя қилувчи.

Жамоат ҳимоячиси.

Тергов, суриштирув органлари томонидан олиб борилган тақдирда, ҳимоячининг ишда иштирок этиши ман этилади. — Газетадан

4. спрт. Команданинг ҳимоя қисмида ўйновчи.

Болалар кўчани бошларига кўтариб, чангитиб, копток тепишарди Икки томоннинг дарвозабони, ҳужумчи-ю ҳимоячилари бор. — Р. Файзий, Ҳазрати инсон

Бу ўйинда ҳамшаҳарларимиз таркибида ҳимоячи Николай Маслов биринчи марта ўйинга тушди. — Газетадан

5. Диссертация, лойиҳа ва шу кабиларни ҳимоя қилувчи, ёқловчи.

Ҳимоячи ўз қарашларини ишонарли далиллар билан асослаб, саволларга тўлиқ ва аниқ жавоб берди. — Газетадан

сфт. Қўллаб-қувватлайдиган, ҳомий бўлувчи; ҳимоячиси бор, кимнинг-дир паноҳида бўлган.

Яхши кунларимда салтанатли онам, Ёмон кунларимда ҳимоятли онам. — Оқ олма, қизил олма

Оқ сут берган оналари Рози бўлсин, ёр-ёр. Ҳимоятли(к) оналари Қози бўлсин, ёр-ёр. — Қўшиқлар

— Гапингизга қараганда, ҳамиятли, ҳимоятли, беш вақт намозни канда қилмайдиган мусулмон бир косибнинг қизи экансиз, — деди Ойша яллачи Латифахонга. — Ғ. Ғулом, Шум бола

фл. Ҳимояламоқ феълининг мажҳул нисбати.