Поиск

n 1. rut

2. ploughing

fl. 1. Biror tomonga qarab yurishga qistamoq; borishga majbur qilmoq; yoʻllamoq.

Oʻn bir kishini bandi qilib, qoʻllarini chilvir bilan bogʻlatdi-da, oldiga solib haydab ketdi. — K. Yashin, Hamza

Yigitali podani oʻtgan hafta oʻtlagan yeriga —

soy boʻyiga haydadi. — T. Malik, Ajab dunyo

Uzoqda chiroq miltillab koʻrindi Otni toʻgʻri oʻsha tomonga haydadi. — M. Hazratqulov, Jurʼat

2. koʻchma Biror tomonga yuritmoq, yoʻnaltirmoq, yoʻnalishini burmoq (jonsiz narsalar haqida).

Koʻtarmalik bilan ishing boʻlmasin! Suvni Soyariqqa haydab, Oqsoqolning qulogʻidan xabar ol. — N. Safarov, Uygʻonish

Kattalar xoʻp desa, togʻni teshib, Tojiksoyni haydab kelamiz. — M. Ismoiliy, Fargʻona tong otguncha.

3. Mavjud joyidan, maʼlum makondan ketkazmoq, ketishga majbur qilmoq.

Oʻsha, Muqaddam haydab yuborganidan beri bu uyga qadam bosishga haqi yoʻqligini bilardi. — Oʻ. Hoshimov, Qalbingga quloq sol

Yoʻq qaysi diyonatli ota qoʻy ogʻzidan choʻp olmagan oʻgʻlini oq qilib, dargohidan haydar ekan?! — K. Yashin, Hamza

Oʻrtoqlari oldida yalinib borgan ekan, haydashibdi-ku — H. Nazir, Yonar daryo

4. koʻchma Yoʻq qilmoq; ketkazmoq.

Dilingizdagi vasvasalarni haydang. — K. Yashin, Hamza

Ekinzorlarda boʻladigan tonggi bir tarovat muzdek shabada — barchasi Avazning koʻnglidan mujmagʻil, ogʻir tush asoratini haydagandek boʻldi. — S. Siyoyev, Avaz

Kek saqlamas, dilxiraligini haydab, oʻzini idora eta olar edi. — S. Siyoyev, Avaz

5. Ish, mansab va shu kabilardan chetlatmoq, mahrum qilmoq; quvmoq, ketkazmoq.

oʻshalarning yordami bilan qamalmay qolibdilar-u, faqat ishdan haydalibdilar. — E. Rayimov, Ajab qishloq

Nikolay taxtdan haydalib, inqilob boʻlgan kun olti yashar goʻdak ekanman. — N. Safarov, Olovli izlar

Bilsa, institutdan haydaydi. — Guldasta

6. Transport vositasini minib, yurgizib, boshqarib bormoq.

Otam arava haydar edi. Akam mashina haydaydi.

U doʻkonlarga gazlama tashidi, izvosh haydadi. — Oybek, Tanlangan asarlar

Biron kor-hol boʻlmasin, deb motorga oʻt berib, jadal haydab ketdi. — S. Ahmad, Yulduz

7. Yerni maxsus asbob (plug, omoch, soʻqa kabi) tishi bilan tilib, yorib, oʻyib yumshatmoq.

Yerni traktor bilan haydamoq. Yer haydasang, kuz hayda, kuz haydamasang, yuz hayda. — Maqol

Tushdan keyin uyga kelib, bugʻdoy oʻraman arpadan boʻshagan yerni haydab, mola bosaman. — S. Siyoyev, Yorugʻlik

8. kim. Isitish yoki qaynatish yoʻli bilan tarkibiy qismlarga ajratmoq; shu yoʻl bilan biror narsa ajratib olmoq.

Spirt haydamoq.

ot 1. Haydamoq feʼlining sifatdoshi.

Avtomashina haydovchi. Yer haydovchi. Izvosh haydovchi. Poda haydovchi.

Nafsilambirda, bizga oʻxshash otboqarga, yer haydovchiga qiyin, juda qiyin. — Oybek, Tanlangan asarlar

2. Transport vositalari, qishloq xoʻjalik mashinalari va shu kabilarni boshqaruvchi kishi.

Piyoda, xuddi transport haydovchisi kabi, yoʻl harakatining teng huquqli ishtirokchisi hisoblanadi. — Gazetadan

Haydovchi ham oʻz shaʼniga aytilayotgan maqtov va tilaklarni eshitgandek tagʻin shitob bilan tormoz bosadi. — S. Siyoyev, Yorugʻlik

3. Beshkoʻtarar oʻyinida raqib tomoniga joʻnatilgan juft qartalarning ustiga qoʻshib beriladigan yana bitta qarta.

Ikki oʻnlik va ikki sakkizlikka bir yettilikni haydovchi qilmoq.

арабскийرخصتك من فضلك, Ruxsatak min fadlikрусскийВаши права, пожалуйстаанглийскийShow your driving licence

ot Paxta terish mashinasini haydovchi va uni tuzata biluvchi traktorchi.

Jiyanqulning ukasi vohamizning eng dovruqli mexanik-haydovchisi. — Oʻzbekiston qoʻriqlari

Avtomobil haydash bilan shugʻullanuvchi shaxs