Qidiruv

fl. 1. Kengligidan kishi qaddiga salqi kelib, osilib turmoq (kiyim haqida).

Har qadamda dasturxon, qanor-qopday halpillagan koʻk koʻylagi shox-shabbalarga ilinaverib bezor qildi. — H. Nazir, Soʻnmas chaqmoqlar

Ustida otasining choponi halpillab turardi. — M. Osim, Ibn Sino qissasi

2. Lapanglab yugurmoq, yelmoq; selkillamoq.

Arslonqul hovliqib, halpillab, uyga qaytdi. — Oybek, Navoiy

Uydan bolaning boʻgʻiq chinqirigʻi eshitilib, xotin halpillaganicha uyga yugurdi. — S. Abdulla, Obroʻyim toʻkiladi

fl. Halpillamoq feʼlining orttirma nisbati.

fl. Halpillamoq feʼlining birgalik nisbati.

fl. Birovni yomonlab gapirmoq, gʻiybat qilmoq.

Ayniqsa, frontovikning xotinini chalpishga hech kimning haqqi yoʻq. — Oʻ. Hoshimov, Ikki eshik orasi

U har kuni samovarga chiqib hadeb yangi raisni chalpiydi. — S. Ahmad, Hodivoy

[Shakar] Alamiga chidolmay, Zebi bechorani kurakda turmaydigan soʻzlar bilan chalpidi-yu, joʻnab qoldi. — H. Nazir, Koʻkterak shabadasi

ot 1. Ogʻir mehnatdan harsillash, halloslash.

2. koʻchma Jonbozlik bilan astoydil mehnat qilish.

Usti oʻrab tashlangan paxta buntlari baland devorlar osha yonma-yon qad koʻtarib turardi: ozmuncha halp-zalpning mevasimi bular! — Oʻ. Shamsharov, Dovruq