Qidiruv

fl. 1. Gullamoq I 2, 3 feʼlining orttirma nisbati.

Men ham senga har nafas Shafqat qoʻlin choʻzayin, Kuti uchgan hayoting Gullatayin, tuzayin. — Gʻayratiy

2. Fayz kiritmoq; qizitmoq, koʻtarinki ruh bermoq.

Kampir ham biz bilan stolning bir tarafini gullatib, savlat toʻkib oʻtirdi. — Oydin, Hikoyalar

Uning asl ismi — Nabi. Oʻzining ashulasi, cholgʻusi va qiziqchiligi bilan suhbatlarni gullatgani uchun mahalladagi ulfatlari uni Nabigul deb ataganlar. — A. Qahhor, Qanotsiz chittak

Birovning uyini gullatib oʻtirishga yaraymanmi? — S. Siyoyev, Yorugʻlik

fl. 1. Gul ochmoq, gulga kirmoq.

Gʻoʻza gulladi. Bodom gulladi.

Derazamning oldida bir tup Oʻrik oppoq boʻlib gulladi. — H. Olimjon

Gʻoʻzalar gullayotgan payt. — I. Raxim, Chin muhabbat

2. koʻchma . Ravnaq topmoq, rivojlanmoq; obod boʻlmoq.

Toshtemir Surxon vodiysining gullagan vohalarini koʻrib, aylanib chiqdi. Nazarmat, — Joʻrlar baland sayraydi

[Yangiyer] Boshida qanday edi-yu, hozir qanday? Odamning qadami tegdi-yu, gullab ketdi. — R. Fayziy, Choʻlga bahor keldi

3. Gul-gul ochilmoq, goʻzallashmoq, yashnamoq; kamolga yetmoq.

Umrining gullagan davri qamoqxonalarda oʻtgan Shohnazar ozodlikning birinchi kunidanoq nima qilishini bilmay, bosh qashlab qoldi. — Mushtum

Yosh avlod — kelgusimiz, faxrimiz ham koʻrkimiz. Yoshlik — bu umrimizning gullagan bahoridir. — E. Raxim, Yangi qadam

n flowering, blooming, blossoming, prosperity, well-being

fl. Gullatmoq feʼlining majhul nisbati.

fl. Gullatmoq feʼlining orttirma nisbati.