Қидирув

от 1. Инсон ёки ҳайвон танасининг умумий кўриниши; жусса, қад.

Жўрабой отанинг узун қотма гавдаси қоронғида кўздан ғойиб бўлди. — Ҳ. Ғулом, Машъал

Қиз семиз гавдасига ярашмаган эпчиллик билан лип этиб олдинга ўтди. — С. Сиёев, Ёруғлик

2. Тан, тана (вужуд билан жон қарама-қарши қуйилганда).

Ёʻқ, юрди эмас, оёқларини ихтиёрига қарши судради. Лекин жони қолиб, қуруқ гавдаси кетар эди. — М. Исмоилий, Фарғона тонг отгунча.

3. Жонсиз тана, мурда, жасад.

Дарвозадан ўн одим нарида боши танидан узилган уч кишининг гавдасига ёʻлиқдилар. — А. Қодирий, Ўтган кунлар

4. Бирор нарсанинг борлиғи, танаси, кўриниши.

Ҳовли ўртасида чирик гавдаси ўрадай ўпирилган қари баҳайбат тол. — Ойбек, Танланган асарлар

Мудҳиш бўлиб кўринар Тунда тоғлар гавдаси. — Ғайратий

сфт. 1. Гавдаси, жуссаси катта, норғул, барваста; жуссали.

Бир вақтлар гавдали ва чиройли бўлган ўттиз яшар йигит ҳозир чўпдай озиб кетган. — Ойбек, Танланган асарлар

Ёш, лекин гавдали бир милиционер йигит кириб, ҳамма билан саломлашиб ўтирди. — С. Зуннунова, Олов

2. Аниқловчи сўз орқали ифодаланган жуссага эга бўлган.

Ёʻғон гавдали.

У ўрта бўйли, кичик гавдали, сийрак сариқ мўйловли, тийрак кўзли серҳаракат йигит. — Ойбек, Танланган асарлар

фл. 1. Кўринмоқ, кўриниб турмоқ, кўзга ташланмоқ.

Ярим ёʻлга етганда, узоқда қоп-қорайиб гавдаланиб турган адир томондан қууқ деган чўзиқ товуш эшитилди. — А. Қаҳҳор, Мастон

Шохдор ола сигир ғира-шира гавдаланиб турарди. — Гулдаста

2. Хаёлан кўз олдига келмоқ, назарида пайдо бўлмоқ.

Ўша жанг тафсилотини эслаганимда, барча қуролдош дўстларим кўз олдимда бирма-бир гавдаланади. — Т. Рустамов, Мангу жасорат

Яна онасининг ўлим олдидаги қиёфаси кўз ўнгида гавдаланди. — М. Хайруллаев, Тилла маржон

3. айн. Акс этмоқ, мужассамлашмоқ, кўринмоқ.

Бу томонда ниҳоятда зийнатланиб бино қилинган олий иморатлар бўлиб, шаҳар усталарининг ҳамма санъат ва маҳоратлари шу биноларда гавдаланар эди. — А. Қодирий, Ўтган кунлар

фл. Гавдаланмоқ феълининг орттирма нисбати.

фл. Гавдалантирмоқ феълининг мажҳул нисбати.

Двойственный характер труда, воплощенный в товаре