ot 1. Gavdaning bosh bilan yelka orasidagi qismi; boʻyin; boʻyinning orqa qismi.
Polvon oʻrnidan turdi, nima qilishni bilmay, goh peshonasini uqalar, goh gardanini qashir edi. — S. Ahmad, Qadrdon dalalar
Sochlari chakkasi va gardanigacha tushgan, yelkasiga fotoapparat ilgan yoshgina novcha sariq yigitcha hammaga bir-bir jilmayib turardi. — H. Nazir, Soʻnmas chaqmoqlar
2. Gardaniga olmoq
3. 1) oʻz ustiga olmoq, zimmasiga olmoq.
Ishning ogʻirini oʻz gardanimga olaman: puli, oziq-ovqat, asbob-uskunasi, ulovi mendan; mehnat — xalqdan. — M. Ismoiliy, Fargʻona tong otguncha.
4. 2) iqror boʻlmoq, tan olmoq, boʻyniga olmoq.
- Gardaniga yuklamoq (yoki qoʻymoq) Zimmasiga yuklamoq, topshirmoq. Direktor bu ishni uning gardaniga yukladi. Paxtachilikdagi eng ogʻir ishlar mashinalar gardaniga yuklandi. Gardaniga tushmoq Zimmasiga tushmoq.Yengsalar — nur ustiga nur. Yengilsalar — masʼuliyat Anvarning gardaniga tushadi. — Sh. Xolmirzayev, Qil koʻprik