Hayot Foundation лойиҳаси
Лойиҳа ҳақида
Ўз
Ўз

Қидирув

«ғирилламоқ» бўйича 54 та натижа: Изоҳли

Филтр
Луғат тури
Изоҳли Таржима Терминологик

Луғат мақолалари

51 та
ғирилламоқ

фл. 1. Тез айланиш, ҳаракат ёки бошқа сабаб туфайли ғир-ғир этган товуш чиқармоқ; пирилламоқ.

Машиналар ғириллаб, Саҳифалаб беради. Бир ёқдан корректорлар Солиштириб кўради. — Қ. Муҳаммадий

Радиокарнай ғириллаб туриб, бирдан гапира бошлади. — С. Аҳмад, Уфқ

2. Ғир-ғир эсмоқ, тез елмоқ (шамол, изғирин ҳақида).

Жанубдан ғириллаб шамол эсарди.

— Тақсир! —

Ҳасан сўфи хитоб қилди. — Сиз салқинда, ғириллаган шабадада кўк чой ичиб, маза қилиб ўтирибсиз! — М. Исмоилий, Фарғона тонг отгунча.

Кун совуқ, араванинг устида ғириллаб турган изғирин юзларни ялайди. — Ойдин, Фонар тагида

3. айн. Ғизилламоқ 2.

Акром ака, тайёрини сотиб ола қолсак бўлмайдими, ғириллаб олиб келаман. — Муштум

Хатни ўқиб, қизиқиб қолдик. Эртасигаёқ оёқни қўлга олиб, ўша томонга ғирилладик. — Муштум

Ўғли Фозил ҳам дадасининг савдо-сотиғи билан бозорга ғириллайдиган бўлиб қолди. — С. Зуннунова, Олов

  • Нон деганда, кесак ғириллаган (ғириллайдиган) ёки нон деганда, кесак ғириллайди Турмуш шароитининг жуда оғирлигини билдиради. Нон деганда кесак ғириллаган замонлар кишилар эсидан чиқди Ҳаёт яхши бўлиб қолди. — Шуҳрат, Умр поғоналариАзбаройи худо, шу хумсангиз эшигида кушод икки ой бўйнимни эгиб, нон деганимда, кесак ғириллайдиган бўлди. — А. Қодирий, Кичик ҳикоялар
Тўлиқ мақола →
гир

Айлана, доира.

Беш-олти бола жам бўлиб, бир уй ичига ерни айлана қилиб чизди. Бу — гир. — Т. Мурод, Қўшиқ

  • Гир айлана 1. Айланасига, атроф-теваракни ўраб олган. Азимбойваччанинг ташқари ҳовлиси гир айлана ғиштин иморат. — С. Аҳмад, Ҳукм. Гир айланмоқГулсум кенг доирани гир айланиб, завқ ва шавқ, билан чалинаётган чилдирма ҳамда чапаклар садосига берилиб ўйнар эди. — П. Турсун, ЎқитувчиХонага кириб қолган бир ёʻлпашша гир айланиб, самолётдек ванғилларди. — Мирмуҳсин, Нуқра;Бир тўйда, катта меҳмонхонани гир айланиб ўтирган меҳмонлар ўртасида сув сепгандай жимлик ҳукм сурарди. — П. Турсун, Ўқитувчи
  • Гир атроф Теварак-атроф, ҳамма ёқ. Гир атроф шафтоли. те Жуманиёз гир атрофга югуриб, тағин қўлига кесак олди. — С. Сиёев, Аваз
  • Гир урмоқ (ёки ташламоқ) Бир томонга оғиб, айланиб турмоқ, шох ташламоқ (учаётган варрак ҳақида). Гир шох урди аразлаган варраги. — Ғ. Ғулом
  • Боши гир айланмоқ Боши гангимоқ. Аччиқ, ўткир тамакидан боши гир айланиб, кўзлари ёшланди-да, ёʻтала-ёʻтала юриб кетди. — Ойбек, Нур қидириб
Тўлиқ мақола →
гирд

от 1. эск. Айлана шаклидаги нарсанинг чети, зиҳи.

Патнис гирди.

Пиёла гирдини ўпиб шаббода, Қимизимни шопириб кетар. — Шарқ юлдузи

2. Атроф, теварак; чегара.

Бир қиз олов гирдида бармоқларини қирсиллатиб, чанговуз нағмаларига хиром этди. — Т. Мурод, Қўшиқ

  • Гирдини тутмоқ Дарвоза гирдини ғанимлар тутди, Бурунги подшомиз оламдан ўтди. — Муродхонкатталар, Малахдай бўп беклар гирдини тутди. — Юсуф ва Аҳмад
Тўлиқ мақола →
ғирт

1. Белгининг кучли даражасини қайд этади, кучайтирув билдиради (одатда салбий белгиларга нисбатан қўлланади).

Ғирт аҳмоқ. Ғирт саводсиз. Ғирт маст. Ғирт нодон. Ғирт хом.

Биттаси Аввалбек бўлса, у — ғирт пиёниста М. М. — Дўст, Лолазор

Ғирт омиман, бизга ўқиш қайда — Ойбек, Нур қидириб

2. Отлар билан ва айрим даражаланмайдиган сўзлар билан қўлланиб, шу сўз англатган нарса, ҳолатнинг шахс ёки предметга тўлалигича, бутунлай дахлдорлиги, оидлиги маъносини билдиради; бутунлай, турган-битгани.

Ғирт туҳмат. Ғирт расмиятчилик.

Исириқ тутатишни хурофот дейишнинг ўзи ғирт хурофот экан. — Фан ва турмуш

Хафа бўлманг-у, почча, аммо ғирт афанди экансиз. — А. Кўчимов, Ҳалқа

Илгари бу жойлар ғирт тўқайзор, одам ёʻқ эди. — Ўзбекистон қўриқлари

Умид учинчи синфга ўтганида, адаси ҳам тўсатдан ўлиб қолди у ғирт етим бўлиб қолди. — Мирмуҳсин, Умид

Тўлиқ мақола →
ғирч

айн. Ғирт ИИ. Ғирч этмоқ.

[Нодиржон] Ҳафсала билан қўл қўйиб, аризани икки буклаб ушлаб, ўрнидан турган эди, эшик ғирч этиб очилиб, Розиқвой кирди. — А. Муҳиддин, Чап чўнтак

Тўлиқ мақола →

Ҳаммасини кўриш · 51 →

Таърифлар ичида

3 та
парилламоқ

парилла Тез қанот қоқиб, парр этган товуш чиқармоқ (парранда ҳақида). Тоғ жилғаларининг яқинида, катта тошлар панасида [Элмурод] писиб ётиб, каклик пойлар ва жилғ