Поиск

ot Koʻz soqqasining qiyshiq oʻrnashuvi: bunda bir koʻz qorachigʻi koʻrilayotgan narsaga qaragan, ikkinchisi esa oʻsha narsadan chakka yoki burun tomonga ogʻgan boʻladi. Baʼzan ikkala koʻz qorachigʻi burun yoki chakka tomonga ogʻadi.

sft. Qaraganda koʻz qorachiqlari bir tomonga yoʻnalmaydigan, toʻgʻriga qaray olmaydigan, koʻz soqqasi qiyshiq oʻrnashgan.

Gʻilay bola. Gʻilay koʻz. Bir koʻzi gʻilay. Koʻzini gʻilay qilmoq.

Koʻz oldida goʻshtingni burdalayman! deb koʻzini ola-kula qilib turgan oʻgay ona va uning qarindoshi — gʻilay xotin turardi. — Mirmuhsin, Umid

Gʻilay koʻzni toʻgʻrilaydigan davolardan biri koʻzoynakdir. — Fan va turmush

fl. Gʻilay holatli boʻlmoq.

Koʻzlari gʻilaylanib qolgan ikki kishi gandiraklab kirib kelayotgan edi, kontrolyor ularni toʻxtatdi. — Mushtum