Қидирув

фл. Аччиғи келиб, жаҳли чиқиб, қиёфаси шунга мос ҳолда ўзгармоқ (масалан, юзи бурушмоқ).

Тишларини бир-бирига босиб, қаттиқ оғриққа дучор бўлган кишидек ғижинди, қисиқ лабларидан пушаймонликни ифодаловчи инграш чиқди. — Шуҳрат, Шинелли йиллар

Раҳим муштлар зарбини тузуккина сезган бўлса-да, аламини ичига ютди, тишларини қирсиллатди, ғижинди. — Ҳ. Назир, Сўнмас чақмоқлар

Эрининг вағиллашидан ажабланиб югуриб чиққан Майсахон ҳам иккала биродарнинг бир-бирига ғижиниб турганини кўриб, ҳайкалдек қотиб қолди. — А. Муҳиддин, Инсон қалби оташ

сфт. Бўйнини гаж қилиб юрадиган; шўх, ўйноқи (от ҳақида).

Арава ёʻли ўрмондан бағри кенг даштга чиқди, рессорли енгил бричкага қўшилган гижинг қўш от илдам юра кетди. — М. Муҳамедов, Қаҳрамон изидан

Ҳали мен минмаган гижинг тулпор мўл, Ҳали мен қувмаган оҳу ҳам анча. — Миртемир

фл. Бўйнини гаж қилиб ўйноқиламоқ (от ҳақида).

Той унинг [жувоннинг] остида гижинглар, ўзини у ёқдан-бу ёққа ташлар эди. — А. Қаҳҳор, Хотинлар

— Қорангни кўрсатмай кетдинг? —Иш кўп, дада. — Қайтага қизимни бермай турсам бўлар экан, — кулиб қўйди Мулло Мусо бобо, —кунора тойчоқ боладек гижинглаб келиб турардинг. — Х. Тўхтабоев, Йиллар ва ёʻллар

фл. Ғижинмоқ феълининг орттирма нисбати.

фл. Гижингламоқ феълининг орттирма нисбати.