Поиск

fl. Achchigʻi kelib, jahli chiqib, qiyofasi shunga mos holda oʻzgarmoq (masalan, yuzi burushmoq).

Tishlarini bir-biriga bosib, qattiq ogʻriqqa duchor boʻlgan kishidek gʻijindi, qisiq lablaridan pushaymonlikni ifodalovchi ingrash chiqdi. — Shuhrat, Shinelli yillar

Rahim mushtlar zarbini tuzukkina sezgan boʻlsa-da, alamini ichiga yutdi, tishlarini qirsillatdi, gʻijindi. — H. Nazir, Soʻnmas chaqmoqlar

Erining vagʻillashidan ajablanib yugurib chiqqan Maysaxon ham ikkala birodarning bir-biriga gʻijinib turganini koʻrib, haykaldek qotib qoldi. — A. Muhiddin, Inson qalbi otash

sft. Boʻynini gaj qilib yuradigan; shoʻx, oʻynoqi (ot haqida).

Arava yoʻli oʻrmondan bagʻri keng dashtga chiqdi, ressorli yengil brichkaga qoʻshilgan gijing qoʻsh ot ildam yura ketdi. — M. Muhamedov, Qahramon izidan

Hali men minmagan gijing tulpor moʻl, Hali men quvmagan ohu ham ancha. — Mirtemir

fl. Boʻynini gaj qilib oʻynoqilamoq (ot haqida).

Toy uning [juvonning] ostida gijinglar, oʻzini u yoqdan-bu yoqqa tashlar edi. — A. Qahhor, Xotinlar

— Qorangni koʻrsatmay ketding? —Ish koʻp, dada. — Qaytaga qizimni bermay tursam boʻlar ekan, — kulib qoʻydi Mullo Muso bobo, —kunora toychoq boladek gijinglab kelib turarding. — X. Toʻxtaboyev, Yillar va yoʻllar

fl. Gʻijinmoq feʼlining orttirma nisbati.

fl. Gijinglamoq feʼlining orttirma nisbati.