Қидирув

сфт. Ўзига жалб қиладиган; жозибадор, истараси иссиқ; кўркам.

Файзли боғ. Файзли одам. Файзли суҳбат.

Шаҳримиз қиёфаси кечқурун янада файзли бўлади. — Газетадан

Балки менинг онам ҳам Мўтабархоннинг онасига ўхшаб ширинсўз, минг марта айланиб-ўргилиб, гиргиттон бўладиган файзли аёлмиди? — М. Алиев, Шонли авлод

от 1. Ўзига жалб қилишлик, қувонч бахш этувчи жозибадорлик. Суҳбатга файз кирди. Базмнинг файзи кетди.

Оромбахш Чўли ироқ полизнинг сеҳрли оқшомига яна ҳам файз киритди. — Н. Фозилов, Дийдор

Шу пайт электр чироқлари ёқилди, ҳовлига файз устига файз қўшилди. — Газетадан

2. кўчма Барака, мўллик.

Файз ёғилди Ўзбекистонга, Бу дилрабо боғ-у бўстонга. — Х. Расул.

Бахт нашъаси.

Фарғонанинг ҳусни келди саҳрога, Пахта экдим, файз келди, инжу келди. — Т. Тўла, Оромижон

Файзий Душан (1927—2009) — шоир ва драматург. Ўзбекистонда хизмат кўрсатган санъат арбоби (1977). Иккинчи жаҳон уруши қатнашчиси.

сфт. Ёқимсиз таассурот қолдирадиган, жозибасиз, хунук, бефайз.

Файзсиз одам. Файзсиз суҳбат. Файзсиз кўча.

Эркаксиз уй файзсиз, кўрксиз кўринади кўзга. Фарзанд учун эса ота бир тоғдай. — М. Алавия, Болаларимнинг отаси

Деворнинг қулаган жойидан олмазор ҳовли рўяси бирданига файзсиз, хунук бўлиб кўринди. — Э. Усмонов, Ёлқин

Faizabad

Ungemütlichkeit f