Поиск

sft. Biror belgi-xususiyati bilan boshqasidan ajralib turadigan, farqlanadigan, tafovut qiladigan, farqi bor.

Garchi bu ikki egachi-singil bir qorindan talashib tushgan boʻlsalar ham, bir-birlaridan farqli edilar. — A. Qodiriy, Oʻtgan kunlar

Zagʻchakoʻz Qamishkapaliklarni tahqir qilar va ularning shaharliklarnikidan anchayin farqli boʻlgan sheva va tillarini masxaralar edi. — P. Tursun, Oʻqituvchi

ot Narsalar orasidagi nomuvofiqlik, nooʻxshashlik; ayirma, tafovut.

Soʻzdan soʻzning farqi bor, oʻttiz ikki narxi bor. — Maqol

Margʻilonlik kelin bilan sening bizga hech bir farqlaring yoʻq, ikkovlaring ham bolamizning qoʻshogʻi — bolamizsiz. — A. Qodiriy, Oʻtgan kunlar

Xayol bilan hayot orasidagi farq qanchalik kalta boʻlishini Bobur endi bildi. — P. Qodirov, Yulduzli tunlar

Ilm bilan amal oʻrtasida katta farq bor. — S. Zunnunova, Olov

sft. Farqi yoʻq, tafovutsiz.

Farqsiz uylar.

Bu mening uchun farqsiz.

Ular xuddi egizaklardek, chehralari bir-birlariga gʻoyat oʻxshar, gavdalari qariyb farqsiz, koʻrinishdan yuvosh odamlar edi. — Oybek, Quyosh qoraymas

син. differentiate, distinguish

ot Eʼtiborsizlik, loqaydlik; farqi yoʻqlik.

Shu gaplarni aytarkan, koʻzlaridagi kuyinchaklikni birdan befarqlik egallagan edi. — Yoshlik

fl. Biror narsani ikkinchisidan ajrata bilmoq, farqiga bormoq.

Kecha va kunduzni barcha koʻzi ochiq odamlar farqlaydi. — Saodat