Қидирув

от 1. Моддий жиҳатдан ожизлик, қашшоқлик, камбағаллик.

Фақирликни бошдан кечирмоқ.

Содиқлар фақирликда яшаб, йил сайин менга оз-оз ерларидан сотиб, тирикчилик қилар эдилар. — А. Қодирий, Ўтган кунлар

Мутрибнинг ҳазилнамо байтида Аваз ёʻқчилик, фақирлик оиласини қуритган, аммо кўнгли қаноатга тўла некбин шоир қалбини кўргандек бўлди. — С. Сиёев, Аваз

2. кўчма Хокисорлик, камтарлик.

Фақирлик ёʻлини ихтиёр қилдим, Шамшоднинг юртига бормоқчи бўлдим. — Баҳром ва Гуландом

3. кўчма Маънавий қашшоқлик.

Кишида уч хил сифат бордирки, улар фақирликдандир: Подшоҳким, яхшилигингга шукр қилмайди, ёмонлигингни кечирмайди. Қўшниким, сендан яхшилик кўрса — яширади, ёмонлик кўрса — оширади — Фан ва турмуш

сфт. 1. Моддий жиҳатдан ночор, камбағал, қашшоқ; муҳтож.

Фақир одам. Амирнинг ошидан фақирнинг мушти яхши. — Мақол

Бировнинг мол-дунёси ошиб-тошиб ёца-ю, фақирга кўз олайтирса, ҳақиқат борми ахир, эй фалак! — Ж. Шарипов, Хоразм

Жавоб ололмади ҳеч ким ҳам зотан: На султон, на гадо, на шоҳ, на фақир. — А. Орипов, Йиллар армони

2. эск . Биринчи шахс ўрнида ёки “мен“, биз олмошлари билан бирликда ишлатилиб, сўзловчининг камтарлик қилаётганини ифодалайди.

Табибий энтикди: — Фақирингиз виждоним буюрган гапни айтдим. — С. Сиёев, Ёруғлик

Фақир у зотнинг суҳбатларидан баҳраманд бўлган пайтларимни эсласам, юрагим эзилур! — П. Қодиров, Юлдузли тунлар

Сиздек муҳтарам зот таклиф этади-ю, биздек фақир бош тортадими? — С. Сиёев, Аваз

3. кўчма Ночор, бечора, чорасиз.

Кичик, хароб, фақир бир уй. Кампир ва ёш бир хотин жўхори тозалар эди. — Ойбек, Нур қидириб

Фақир юрагим орқамга тортиб, пешонамни совуқ тер босди. — Фан ва турмуш

от Фақир аёл.

Фақирона яшамоқ. Фақирона ҳаёт кечирмоқ.

Шоир Ёрий деҳқончилик қилиб, фақирона ҳаёт кечирган. — Газетадан

кўчма Аҳволи ночор, кўримсиз.

Халқнинг ақл-у иродаси ва қудрати билан фақирона катакча кулбалар ўрнида бетондан, металлдан шаҳримиз қаддини кўтарди. — Газетадан

фл. айн. Фақирлашмоқ.

от с. т. Ғариб, ночор, камбағал кишилар, бева-бечоралар.

Уста Маҳмуднинг теварак-атрофга донғи кетди, уни фақир-фуқаронинг дўсти сифатида таний бошладилар. — М. Осим, Маҳмуд Торобий