Qidiruv

ot 1. Tabiat va jamiyatning taraqqiyot qonuniyatlarini ochib beruvchi hamda oʻzi erishgan natijalar bilan atrof muhitga taʼsir koʻrsatuvchi bilimlar tizimi.

Fan asoslari. Fan yutuqlari.

Har bir fanning oʻziga xos siri va sehrli tomonlari boʻladi. — Yoshlik

Fan tarixida qiziqarli hodisalar koʻp uchraydi. — Fan va turmush

2. Shunday bilimlar tizimining alohida tarmogʻi, yoʻnalishlari, sohalari.

Aniq fanlar. Ijtimoiy fanlar. Tabiiy fanlar. Fizika fani. Tilshunoslik fani.

Bilasizmi, boʻtalogʻim, tabiiy fanlar davrning zaruriy ehtiyojlaridan vujudga keladi. — S. Karomatov, Oltin qum

Biologiya fani ham nihoyatda rivoj topib ketdi. — J. Abdullaxonov, Oriyat

ot 1. esk. kt. Yoʻq boʻlib ketish, oʻlish.

Garchi fano har kimsaga Azaliy bir qismatdir. — A. Oripov, Onajon

2. Oʻzidan va butun borliqdan kechib, ilohiyotga sigʻinish.

— Umrimni faqru fano yoʻliga bagʻishlamoq niyatidamen, — koʻzlaridagi hasratni uchqunlantirib gapirdi — Xaydar. Oybek, Navoiy

Dunyoning hoy-huyidan etak siltab, faqr va fano yoʻlini tutsinmi? — Oybek, Navoiy

ot 1. Yupqa qilib tekislangan yogʻoch taxtalarni ustma-ust, qatlam-qatlam yelimlab yopishtirib tayyorlangan qurilish materiali.

Ahmad shiddat bilan fanerdan yasalgan kichkina darchani taqillatdi. — F. Musajonov, Himmat

Shu mahal yakka tabaqali faner eshik ochilib, ostonada shiftday boʻlib, Toʻrabek koʻrindi. — M. Mansurov, Yombi

2. Mebellarning sirtini qoplash uchun ishlatiladigan yupqa taxta, plastinka.

Markam stul surib oʻtirar ekan bir chetiga siyoh toʻkilgan, sirti faner stol koʻziga odatdagidan boshqacharoq koʻrinib ketdi. — P. Qodirov, Uch ildiz

ot ayn. Faner.

sft. kt. Fanga, ilmiy asoslarga tayangan; ilmiy.

U oʻzining qaltis tavakkal bilan qoʻl urgan xatarli fanniy tajribalaridan mamnun boʻlur edi. — A. Muxtor, Chinor

ot 1. Oʻzining oʻta dindorligi, boshqa dinlar, eʼtiqodlarga toqat qila olmasligi bilan ajralib turuvchi kishi; oʻtaketgan mutaassib.

2. Biror gʻoya, ish yoki mashgʻulotga butun vujudi bilan berilib mukkasidan ketgan, oʻta ishqiboz odam.

Afandi doktor parishonxotir boʻlgani bilan oʻz kasbiga puxta, meditsinaga fanatik oshiq edi. — Gazetadan

3. sft. Fanatizmga oid, oʻtaketgan mutaassiblik ruhi bilan sugʻorilgan.

Fanatik odam. Fanatik harakat.