от 1. Бир жойнинг одамлари, аҳолиси, халқи; умуман, кўпчилик одам, халойиқ, ҳамма.
У эрининг қилмишидан эл олдида бошини хеш қилиб юрарди. — Т. Ашуров, Оқ от
Одамларнинг кўз ёшидан, қаҳридан қўрқмай, эл отаси бўлиб юрганингизга ёқа ушлайман, тақсир. — С. Сиёев, Ёруғлик
2. Бир юртга, қабилага мансуб одамлар; миллат, халқ.
Қипчоқ эли. Манғит эли. Қардош эллар.
Шифокорлик касбини улуғлаш, элга сидқидилдан хизмат қилиш, кишиларнинг дардига даво топиш олийжаноб ишдир. — Газетадан
3. Юрт, диёр, мамлакат.
Чет эллар. Ҳар ким элида, ўрдак кўлида. — Мақол
Баҳор келди элимизга, Яшил тўн кийди дала. — И. Муслим.
Шу пайт хаёл узоқларга, она элимга олиб кетди. — Т. Рустамов, Мангу жасорат
Яшил элларга томон учиб кетди қушчалар. — А. Орипов
- Эл бўлмоқ Кимса билан ўз кишисидек яқин, дўст бўлмоқ; чиқишмоқ. Асли душман эл бўлмас, Этакни кессанг, енг бўлмас. — МақолТомчи сел бўлмас, Душман эл бўлмас. — МақолБекнинг тўплаган одамлари аллақандай бир-бирига эл бўлмайдиган олчоқ одамлар экан — А. Мухтор, ЧинорЁвга эл бўлмаган каби ҳеч замон, Ёвни эл қолмади фарғоналиклар. — А. Обиджон.