Поиск

fl. 1. Dukur-dukur ovoz chiqarmoq.

Shu dukurlash sekin-sekin oyoq tovushiga mubaddal boʻlib, Anvarning quloqlari tikkaydi. — A. Qodiriy, Mehrobdan chayon

Koʻchadan esa ot tuyoqlarining sabrsiz dukurlashi eshitildi. — Fan va turmush

2. Tez urmoq, tepmoq, oʻynamoq (yurak haqida).

Darchaga yaqinlashganida, yuragi birdan dukurlab, eshik oldida toʻxtab qoldi. — M. Ismoiliy, Fargʻona tong otguncha.

sft. Dukurlagan ovoz haqida.

Boshqalar ham yotib quloq soldilar. Ammo hech kim dukurning qayoqdan kelayotganini aniqlay olmadi. — M. Ismoiliy, Fargʻona tong otguncha.

Dasturxon yigʻishtirilib, Sultonmurod ketmoqqa qistarkan, darvozada otlarning dukuri eshitildi. — Oybek, Navoiy

Latofatning yurak dukuri xiyla bosildi. — Yoshlik

Dukur soʻzidan takror soʻz.

Otlarning dukur-dukuri, itning hurishi eshitildi. — J. Sharipov, Xorazm

Tursunoy hech narsani koʻrmas, yuragining dukur-dukuridan boshqasini eshitmas edi. — A. Muxtor, Opa-singillar

Dukur-dukur ot keldi, Qarang, qanday zot keldi. — Qoʻshiqlar

fl. Dukurlamoq feʼlining orttirma nisbati.

fl. Dukurlamoq feʼlining birgalik nisbati.