Қидирув

от 1. Бўйи баланд, ёʻғон ва бақувват.

Бир кун, кеч кирай деганда, тугун кўтарган, дов, елкадор йигит билан паранжи ёпинган аёлни эргаштириб кирдилар. — Й. Шамшаров, Тошқин

Унинг Муҳаммад Сайиднинг яғринли, қулоч кўкракли, бутун дов жуссасидан қувват барқ урарди. — Ойбек, Навоий

Мелиқўзи пиқ этиб кулиб юборди. Кейин ўрнидан туриб, дов қаддини ростлади. — И. Шамшаров, Довруғ

2. кўчма Журъат, ботиниш; дадиллик.

3. Ўз ҳақ-ҳуқуқини тасдиқлаш ёки қондириш ҳақидаги талаб, даъво, тортишув.

Ёмон ёʻлдош ёв бўлади. Охир иши дов бўлади. — Мақол

Ботир ёвда билинар, сўзчи — довда. — Мақол

Камбағалнинг ови юрмас, ови юрса ҳам, дови юрмас. — Мақол

Шаҳзода! Айт, менга қандай довинг бор? — О, сенга довим жуда кўп — К. Яшин, Ҳамза

от 1. Тоғ ёки тепаликнинг баланд, аммо ошиб ўца бўладиган қулай жойи; ошув.

Қашқар довони. Арпасиз от довон ошолмас. — Мақол

Донога эргашган довондан ошар. — Мақол

Бу вақт улар Қорақарға деган довондан ошиб, кўз илғамас, кенг, текис яйловга чиқдилар. А. — Мухтор, Асарлар

Довоннинг белига чиққунча Мухаммад Шариф ҳам, эшак ҳам ҳолдан тойди. — Қ. Мирзо, Олам гўзал

2. кўчма Кейинги иш ва ютуқларга ёʻл очиб берадиган улкан иш; эришилган ёки эришилажак қийин марра.

Оила қуриш нақадар юксак довон эканини Маҳкам энди биринчи марта., ҳис қилмоқда эди. — П. Қодиров, Уч илдиз

Мавсумнинг дастлабки довони ортда қолди. — Газетадан

3. кўчма Хаёлий, руҳий марра, мақсад, интилиш.

Эй кўнглим, оламдан суюнчи сўра, Довонлар, тоғлардан елдай учиб ўт. — Миртемир, Асарлар

Тўлқиндай асов бўл, сергак қаламим. Давр-у довонлардан баркамол ўзгил. — Г. Жўраева, Иқбол

от эск. айн. Сиёхдон.

[Аваз] Токчадаги лос солинган довот, қамиш қалам ва қоғозни олиб, хонтахта устига қўйди. — Ж. Шарипов, Хоразм

Мадёр мингбошининг маҳкамаси: хонтахта устида қаламдонли довот, дафтар, қоғозлар бор. — Н. Сафаров, Танланган асарлар

от Вайронлик келтирувчи кучли бўрон.

Довул турди. Довулда қолмоқ.

Сал ўтмай осмон оқариб, атроф ёриша бошлади-ю, тунги қора довулнинг қабиҳ иши бутун даҳшати билан намоён бўлди. — О. Ёқубов, Диёнат

Ёлғизлик қурсин, ёлғизга қоронғи тунда шабада ҳам довул бўлиб туюлар экан. — И. Раҳим, Ихлос

от Жасур, довюрак, довлашувчи киши.

Милтиқ кўтарган билан овчи бўлмас, Дағдаға солган билан довчи бўлмас. — Мақол

Кўп отган билан овчи бўлмас, Кўп деган билан довчи бўлмас. — Мақол

сфт. Телба-тескари иш қиладиган, телбанамо; думбул, анқов; ҳовлиқма.

Наҳотки энди шу арзимас идорачани ҳам эплай олмасанг? Қанақа довдир, ношуд одамсан ўзинг? — Н. Аминов, Қаҳқаҳа