сфт. 1. Дев сингари улкан гавдали; жуда салобатли.
Шу пайт диванда ўтирган бир девқомат кишига кўзим тушди. — Шарқ юлдузи
Кампир Девқомат чол ёнида худди атак-чечак қилиб бораётган кичкина қизчага ўхшарди. — Ў. Умарбеков, Ялпиз ҳиди
2. кўчма Улуғвор, улкан, баланд бўйли.
[Қуёш] Кечга томон Салор ёқасида саф тортган девқомат тераклар орқасига ўтиб кетди. — Газетадан
Умурзоқ ота саданинг девқомат бўйига узоқ тикилиб турди. — Д. Нурий, Осмон устуни
Бу девқомат, қудратли механизмлар бўлажак ГЕС барпо этиладиган жойни кафтдек текисламоқда. — Газетадан