ot 1. Savdo-sotiq, mehnat, ishlab chiqarish sohalaridan davlat yoki ayrim shaxslar hisobiga kelib tushadigan sof pul va boshqa xil tushumlar; kirim.
Bir kunlik daromad. Davlat daromadi. Milliy daromad. Daromadga qarab buromad. — Maqol
Unumli mehnat — katta daromad. — Maqol
Toʻgʻrilik, halollik tufayli topilgan daromad oilaga baxt keltiradi. — Saodat
Oʻzbekiston sharoitida asalarichilik yaxshi daromad beradigan soha hisoblanadi. — M. Toʻychiyev, Asalarichilik
Daromadga yarasha buromad deganlaridek, toʻy ham shunga qarab juda dabdabali oʻtdi. — Mushtum
2. Muqaddima, kirish.
Gapning daromadi.
Gapning daromadi tugab, endi buromadga koʻchdi, shekilli, — oʻyladi chol. — Mushtum
Shu orada ertakning daromadi tugab, Qosimaxon suv parisi haqida gapira boshladi. M. M. — Doʻst, Galatepa qissasi.
3. Biror maqsadni anglatish uchun shu maqsad atrofida uzoqdan boshlangan gap.
— Shunaqa qilib, Narzini ham yubormoqchimisiz? — dedi kampir, darrov gapning daromadini payqab. — H. Nazir, Mayoq sari
domlaning soʻz daromadiga qaraganda, sizni oʻziga kuyov qilish fikri borga oʻxshaydi. — A. Qodiriy, Mehrobdan chayon
Onaxon Haqnazarova daromad qilib oʻtirmasdan, shartta shu yangi gigant obyektni olishni taklif qildi. — Gazetadan
4. Biror joyga kiriladigan yoʻl, eshik, yoʻlak.
Uylarning daromadi va derazalari koʻchadan koʻrinadi. — A. Qodiriy, Obid ketmon
Agar hujra daromadiga eshik quriladigan boʻlsa, qorongʻi bir qabr, yana ham toʻgʻrisi, daxma holiga kiradi. — A. Qodiriy, Obid ketmon
- Daromad soligʻi Hamma turdagi daromaddan olinadigan davlat soligʻi.
- Daromad taqsimoti Xoʻjaliklarda yil boʻyi olingan daromadni mehnatga qarab taqsimlab chiqish. Ish sentyabrning oxirlarida boshlanib, daromad taqsimotiga yaqin tugadi. — A. Qahhor, AsarlarDaromad taqsimotidan keyin kelin bilan kuyovning ishi juda koʻpayib ketdi. — A. Qahhor, Qoʻshchinor chiroqlari