Қидирув

от 1. Юз, бет, афт-ангор; сиймо.

Улар худди эгизаклардек, чеҳралари бир-бирига ғоят ўхшар, гавдалари қарийб фарқсиз, кўринишда ювош одамлар эди. — Ойбек, Қуёш қораймас

Шунда унинг хаёл боғида яна Адолатнинг чеҳраси кўринди. — И. Раҳим, Чин муҳаббат

2. кўчма Киши кайфияти, руҳий ҳолати ёки хулқ-атворининг юздаги акси.

Унинг чеҳраси бузуқ. Чеҳраси очиқ одам. Чеҳрасини очмоқ.

Чеҳра деган кўнгилнинг ойнасидир. — Ҳамза.

Қори уни гоҳ “сизлаб“, гоҳ сенлаб, яхши муомалада бўлгани учун, очиқ чеҳра билан гаплаша кетди. — П. Турсун, Ўқитувчи

Чол соқолини қириб, янги комбинезон кийиб олган. Унинг чеҳраси очиқ, нимадандир хурсанд. — И. Раҳим, Чин муҳаббат

Лицо — зеркало души.

[Ойхон:] Мени билмас дерсан. Чеҳра деган кўнгилнинг ойнасидир. [Айхон:] Думаешь, я не догадываюсь? Ведь лицо — зеркало души. — Ҳ. Ҳакимзода, Майсаранинг иши.

Тарқалганлиги ва машҳурлиги даражаси бўйича иккинчи биометрик технология. Бу идентификаторлар билан чеҳраларнинг фотосуратлари ва видеокаторларидан олинадиган тасвирларнинг икки ўлчамли таниш технологиялари ишлайди.

сфт. Хунук юзли, башарали; кўримсиз, бадбашара.

Қовоғи солиқ, хўмрайган, бадчеҳра Маъмур сигарета чекиб ўтирибди. — Ойбек, Нур қидириб

от 1. Гул юзли, чиройли, гўзал.

Қалам қошлар бежирим, сокит, Гулчеҳрангда сипойи ғурур. — Уйғун

2. Гулчеҳра (хотин-қизлар исми).

сфт. Жамоли парига ўхшаш, ғоят гўзал; париваш, парирў, нозанин.

Паричеҳра қиз.

Сизлардек паричеҳралар шундай ёмон тиканларнинг панжасига тушмаса, бизга бундай базмларни гўрда насиб қилармиди? — Ҳамза, Паранжи сирлари

Қиз руҳида ташвиш сояси, Ўйланади ул паричеҳра, Балки, шердир бу қиз дояси? — М. Қўшмоқов, Али Қамбар