Қидирув

от 1. Бир-бирига қўшни, ёндош бўлган вилоят, туман, ҳудуд орасидаги ҳад, бўлиниш, ажралиш чизиғи.

Энди Қорабулоқ чегарасидаги довондан ўтиб олишса, у ёғи осон. — М. Исмоилий, Фарғона тонг отгунча

2. Қўшни давлатларнинг сувдаги ва қуруқликдаги ҳудудини, доирасини кўрсатувчи чизиқ.

Давлат чегараси. Чегара соқчиси.

Қаландарлар чегарадаги назорат пунктидан хат-ҳужжатларини кўрсатиб, Туркистон тупроғига ўтишди. — К. Яшин, Ҳамза

3. Охир, ниҳоя, поён.

Чўлнинг чегараси ёʻқдек. — . Р. Файзий, Чўлга баҳор келди.

4. кўчма Чек, меъёр; ўлчов; доира.

Одоб чегараси.

Аммо у сабр-бардошнинг ҳам чегараси борлигини аллақачон билиб олган — Х. Султонов, Онамнинг юрти

Бу газандалар ваҳшийлигининг чегараси ёʻқ экан-да! — Т. Рустамов, Мангу жасорат

сфт. 1. Белгили чегара билан ўралган, чегараси бўлган, маълум чегара доирасидаги.

2. кўчма Маълум талаб, ўлчов, меъёр ва шу кабилар билан чекланган; чекли, ўлчовли; ҳисобли.

Николиннинг қалбини янги бир қўрқинч таталарди: ўқ-дори, озиқ-овқат унда чегарали эди. — Ойбек, Қуёш қораймас

от Давлат чегараларини муҳофаза қилувчи ҳарбий хизматчи; чегара хизматчиси, соқчиси.

Менинг ёрим чегарачи — ёвга ёʻл бермас. — Қўшиқлар

сфт. 1. Белгили чегараси ёʻқ, маълум чегара билан ажратилмаган.

2. кўчма Чекланмаган, ҳеч қандай чек, чегара қўйилмаган ёки қўйиб бўлмайдиган, чеки, чек-чегараси ёʻқ; чексиз, битмас-туганмас, бениҳоя.

Чегарасиз хаёллар.

Қизнинг орзулари чегарасиз эди. — Ёшлик

от Умумий чегарага эга бўлган, ёнма-ён жойлашган; қўшни.

Чегарадош давлатлар.

Колхоз катта, бу ёғи кончилар шаҳри Кенсойга чегарадош. — С. Сиёев, Отлиқ аёл

Мирзакаримбой одамларнинг ерларини — агар уларнинг ерлари ўз ерларига чегарадош бўлса — ўзиникига қўшиш учун ҳар қандай номус ва адолатнинг бетига тупурар эди. — Ойбек, Танланган асарлар

delimitation, demarcation