Hayot Foundation лойиҳаси
Лойиҳа ҳақида
Ўз
Ўз

Қидирув

«бузуқлик» бўйича 23 та натижа: Изоҳли

Филтр
Бўлим
Луғатлар Эртаклар
Луғат тури
Изоҳли Таржима Терминологик

Луғат мақолалари

8 та
бузуқлик

от 1. Ишламай қолиш, ишдан чиққанлик, бузилганлик.

Машинанинг бузуқлиги ишга халақит берди.

2. Ахлоқсиз кишиларга хос юриш-туриш, ахлоқсизлик, фаҳш.

Ҳаммасига чидаш мумкин эди, аммо қизларнинг бузуқлигига ҳеч чидай олмадим. — Мирмуҳсин, Умид

Ярим кечагача у ёққа ағанаб, бу ёққа ағанаб ухлолмай, Ҳанифанинг бузуқлигини ўйлади. — Мирмуҳсин, Ҳикоялар ва қиссалар

  • Авзойи бузуқлик Кайфияцизлик, таъби тирриқлик. Бечора энди мени таниган, авзойимнинг бузуқлигини ҳам пайқаган эди. — А. Қодирий, Ўтган кунларДаштдаги қизлар Адолатнинг авзойи бузуқлигини кўриб, кечаси билан фолбинлик қилиб чиқдилар. — И. Раҳим, Чин муҳаббат
Тўлиқ мақола →
бузуқ

сфт. 1. Бузилиб, яроқсиз ҳолга келган, ишдан чиққан; синган, вайрон бўлган.

Бузуқ арава. Бузуқ машина. Бузуқ кўприк. Уйи бузуқ ўнгалур, ўйи бузуқ ўнгалмас. — Мақол

Турдиев бузуқ девордан ўтаётганда, яра қўлини уриб олди. — Шуҳрат, Шинели йиллар

2. Айниган, истеъмолга яроқсиз бўлиб қолган, сифациз; бемаза.

Бузуқ сирка.

Сизга бузуқ ҳавони тозалаб берсак. Табиатдек покиза бўлсинлар десак. — З. Диёр

Сув сўраган экансиз, аянг айлансин. Бизнинг сувларимиз жудаям бузуқ бир турли. — Ҳамза, Танланган асарлар

3. Қоидага тўғри келмайдиган, нотўғри.

[Абдишукур] Шоирлик истеъдодидан тамом маҳрум бўлишига қарамай вазни бузуқ, фикри саёз, рангсиз назмлар ёзди. — Ойбек, Танланган асарлар

4. Ахлоқи ёмон, суюқ; нияти ёмон.

Асли қора оқармас, Асли бузуқ тузалмас. — Мақол

Ёлғон, ёлғон, Нури ўзи бузуқ. — Ойбек, Танланган асарлар

Шерназарбой бузуқ одам чиқди, у кўрнамак. Мени сиздан ажратмоқчи у аблаҳ. — Ж. Шарипов, Хоразм

5. кўчма Ёмон, ўринсиз.

Йиғлама, ёринг топилур. Кўп айлама бузуқ гумон. — Тоҳир ва Зуҳра

6. кўчма Айниган, булутли, ёғин-сочинли.

Ҳаво бир кун тузук бўлса, уч кун бузуқ бўлиб турди. — Н. Сафаров, Наврўз

Осмонда на ой ва на юлдуз кўринарди — ҳаво бузуқ эди. — М. Исмоилий, Фарғона тонг отгунча

  • Авзойи бузуқ
  • Боши бузуқ Амир қозига буйруқ юбориб, боши бузуқ оёқялангларни ва эски қулларнинг авлодини тутиб қама, деган эмиш. — С. Айний, ҚулларАваз Ўтар ўғлининг дўкони боши бузуқлар жойи деб эълон қилинур! — С. Сиёев, Аваз
  • Кайфи бузуқ Бир оздан сўнг Қосимбек кирди. Унинг кайфи бузуқ эди. — С. Сиёев, Аваз
  • Нафси бузуқ
  • Нияти бузуқ ёки бузуқ ният Бировга яхшилик тиламайдиган, мақсади ёмонлик қилиш бўлган одам ҳақида айтилади. Бузуқ ният рақибларни ҳамма бахти қаро дерлар. — Ҳабибий, Девон
  • Ораси бузуқ Ўзаро муносабати ёмон, муносабатлари бузилган. Кабиров билан Ҳомидхўжанинг ораси бузуқ эди. — С. Аҳмад, Порахўрнинг ўлимиДомла Бурҳон махдумнинг бўлса, шоғовул домла билан оралари бузуқ — А. Қодирий, Меҳробдан чаён
  • Оғзи бузуқ Одобсиз сўзлар айтадиган; сўкинаверадиган, беадаб. Ҳой оғзи бузуқ, мени чуқурдан олиб чиққанинг рост! Лекин буни ҳаммага кўрсата берма. — Т. Обидов, Юсуф-жон қизиқ
  • Суяги бузуқ Суяклари ёʻғон; беўхшов гавдали. Ярим ҳарбийча кийинган, суяги бузуқ бу йигитнинг ўзи армияда артиллерия наводкачиси бўлган экан. — Ҳ. Назир, Ўтлар туташгандаСуяги бузуқ бу одам шу тобда тошдан ёʻнилган беўхшов ҳайкалга ўхшарди. — Э. Усмонов, Ёлқин
Тўлиқ мақола →
бузуқи

сфт. 1. Тўғри ёʻлдан оздирувчи, орани бузувчи, орага рахна солувчи, иғвогар, бузғунчи, ғаламис.

Юсуфбек ҳожининг ўғли ва ўзимизнинг Марғилондан ҳам яна бир неча бузуқилар — А. Қодирий, Ўтган кунлар

Тўражон, арзимиз шуки, бебош бузуқи биргина шариатга эмас, балки подшоҳ ҳазратларининг шаънига ҳам ёмон гаплар айтган. — Ҳамза, Бой ила хизматчи

2. Ахлоқсиз, фоҳиша.

Бузуқи қариса ҳам, Ғамзаси қаримас. — Мақол

Тўлиқ мақола →
бузуқбош

сфт. Бузғунчи, орага рахна солувчи; итоациз, бебош; исёнчи.

Амирнинг силлиқ мийиқлари асабий пирпиради: — Бузуқбошларнинг давоси ёлғиз қилич! — Х. Султонов, Бир оқшом эртаги

Жайноқ деган ким ўзи? Бир бузуқбош, тақсир. — Н. Сафаров, Шарқ тонги

Тўлиқ мақола →
бузуқилик

от Бузуқ ишлар билан шуғулланиш; бузуқларга хос хатти-ҳаракат.

Бузуқилигинг бошингга етди.

Жиноятлар одат тусига кириб қолган жойларда ўғри-лик, ҳаромхўрлик, бузуқилик ҳеч кимни ҳайрон қолдирмайди. — М. Исмоилий, Одамийлик қиссаси

Тўлиқ мақола →

Ҳаммасини кўриш · 8 →

Таърифлар ичида

13 та
фаҳшият

фаҳшият Бузуқлик, ахлоқсизлик; шаҳвоний нафс. Тошпўлат, ёзувчининг ўз таъбирича, фақирлик орқасида ўғрилик ва фаҳшият денгизида сузиб, тажангланган холис бир

фаҳш

фаҳш Зино ишларига ҳаддан ташқари берилиш; бузуқлик, ахлоқсизлик. Фаҳш ишлар, фаҳш сўзлар исломда ёʻқ нарсадир. Фан ва турмуш Тангри фаҳш ишларни қилувчи ва

айш-ишрат

айш-ишрат Давомли ёки сурункали кайф-сафо, майхўрлик, ишрат. Айш-ишрат қилмоқ. Бутун бойлигини айш-ишрат, фаҳш, бузуқлик оламида совуриб ниҳоят тақдир уни завқ

саёқлик

саёқлик Санқиб юришлик, дайдилик. — Дарбадарликдан, ўзимнинг симобдай беқарор саёқлигимдан жуда ўкинар эдим, — деди Шум бола. Ғ. Ғулом, Шум бола Ахлоқан бузуқли

расвогарчилик

расвогарчилик Одоб-ахлоқ чегарасидан ташқари иш, ножўя хатти-ҳаракат; шармандалик. Нега расвогарчилик қилдинг? Бошбошдоқлик, бебошлик. Бундай расвогарчиликни

Ҳаммасини кўриш · 13 →

Эртаклар

2 та
Қорасочхон
Халқ оғзаки ижоди

Вазирнинг гўзал қизи Қорасочхон подшоҳ қизининг ҳасади туфайли юртидан қувилади. У турли саргузаштларни бошидан кечириб, охир-оқибат подшоҳлик тахтига о

Зиёд ботир
Халқ оғзаки ижоди

Зиёд ботир исмли йигит подшоҳнинг қизи Қамархонга ошиқ бўлади ва турли синовлардан ўтиб, ўз севгиси учун курашади. Эртакда садоқат, жасорат ва адолат ғ