Hayot Foundation лойиҳаси
Лойиҳа ҳақида
Ўз
Ўз

Қидирув

«бурмоқ» бўйича 260 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Қорақалпоқча Франсузча Туркча
Тилга
Ўзбекча Русча Инглизча Қорақалпоқча Немисча Франсузча Арабча Қозоқча Туркманча Туркча Форсча

Луғат мақолалари

214 та
бурмоқ
Изоҳли луғат · яна 6 та луғатда

фл. 1. Ҳаракат ёʻналишини ўзгартирмоқ, бир томонга қайирмоқ.

Чавандоз отини орқага буриб, сув оқимига қараб кетди. — Ҳ. Ғулом, Машъал

Асрор кўп ўйлаб ўтирмай, ёʻлни Қамариддинникига бурди. — Ёшлик

Агар сув шу қияликдан оқадиган бўлса, уни тўсиб ҳам, буриб ҳам бўлмайди. — С. Аҳмад, Уфқ

2. Бирор томонга ўгирмоқ, қаратмоқ.

Салимбойвачча аччиқланиб, юзини тескари бурди. — Ойбек, Танланган асарлар

Жаҳонгир бу қарашга дош беролмай, юзини бурди. — Шарқ юлдузи

Домла бўйнини шартта буриб, Элмуродга тикилди. — П. Турсун, Ўқитувчи

Беш-олти қари сигир тумшуғини буриб, ётган ерида думини ликиллатиб қўя қолди. — Муштум

3. кўчма Ёʻналтирмоқ, қаратмоқ; оғдирмоқ, мойил қилмоқ.

Ёш кўнгилнинг майлини Ишга бураман. — Ғайратий

Нима қилай, узоқ гапирдим, Тушунчангни ҳар томон бурдим. — Ҳ. Олимжон, Танланган асарлар

4. Бурмаланадиган нарсани ёйиқ ҳолидан бурма ҳолига келтирмоқ, йиғмоқ.

Халтанинг оғзини бурмоқ.

Зиёдахон қопнинг оғзини яна буриб қўйди. — А. Қаҳҳор, Қўшчинор чироқлари

5. Айлантирмоқ, бошқармоқ.

Машина рулини буриб, Тонна тўкар Қизларой. — Қўшиқлар

6. Сиқмоқ; чимчиламоқ.

Қўлини бураб-бураб олди.

Олтин узук бармоғимни буради, Бир йигит бор ёʻлларимда туради. — Қўшиқлар

  • Гапни (ёки сўзни) бурмоқ 1. Фикрни чалғитиб, гапни бирор бошқа мавзуга кўчирмоқ. Мулозамат шу ерга етганда, Раззоқ гапни бошқа ёққа буриб юборди. — Ҳ. Ғулом, Машъалқизлар бирпас жим бўлиб қолишди. Кейин Ўрозгул опа гапни буриб кетди. — ЁшликОтахўжа ака отанинг сир бериб қўйишидан чўчиб, гапни бурди. — С. Юнусов, Кутилмаган хазинаСўзимни бурманг, Раҳимжон ака! Бу номардлик бўлади! — О. Ёқубов, Чин муҳаббат
  • Бўйин бурмаслик Итоаткорлик, бўйин товламаслик, тобелик. Сиз, устод, бир нима десангиз, биз бўйин бурган эмасмиз. — Мирмуҳсин, Меъморбуларнинг барчаси бойваччанинг етовига ҳеч бўйин бурмай юришади унинг зулм болтасини қайраб беришдан чарчашмайди. — К. Яшин, Ҳамза
  • Лабини бурмоқ 1. Бирор иш-ҳаракат, гап-сўз, имо-ишора ва бошқаларни маъқулламаганлик, ёқтирмаганликка ишора қилмоқ. Хотини қалин бўялган лабларини асабий бурди. — Н. Аминов, ҚаҳқаҳаОйим ишонмай, лабини бурди. — Ҳ. Назир, Ёнар дарёАбдишукур шу ҳам гапми дегандай, лабини бурди. — Ойбек, Танланган асарлар
Тўлиқ мақола →
бур
Изоҳли луғат · яна 2 та луғатда

\ф. — мева, ҳосил Туркум:Ўзбекчада форсчадан ўзлашган сўзлар

Барг, озуқабоп қисм. Й. Шамшаров, Бахт излаб. И. Раҳим, Ихлос

Парпининг кўзи ногаҳон чуқурчага тушди. Чуқурчада ўтган йили кўкарган бурган бурлари тўкштб, ёғиндан ивиган танаси букилиб ётарди

Пичан тез ўриб олинмаса, бури тўкилиб, шираси кетади

Тўлиқ мақола →
БУРČ

а. бурж, астрономик белгирусчазнак зодиакаинглизчаsign of the zodiac

Бу кüн бурčи арслан, бу бüрč тебрäмäс Кун (қуёшнинг) буржи Арсондир; бу бурж тебранмайди - Знак зодиака для Солнца сейчас-Лев; это созвездие непоколебимо - Тҳе сигн оф тҳе зодиак фор тҳе Сун нов ис Лео; тҳис констеллатион ис уншакабле

Тўлиқ мақола →
бурд
Изоҳли луғат · яна 2 та луғатда

от Ишончга сазоворлик, тайинлилик, ростлик; эътибор, обрў.

Ғийбатчининг бурди бўлмас, Туҳматчининг юзи бўлмас. — Мақол

Нигора туҳмат гапларга ишонади: Шербек унинг учун бевафо, бурди ёʻқ. — С. Анорбоев, Оқсой

  • Бурди ёʻқ Эътибори ёʻқ, ваъдасида, лафзида турмайдиган, гапига ҳеч ким ишонмайдиган, бетайин, бурдсиз. Бурди ёʻқ одам. Халқ олдида бурчи ёʻқнинг бурди ёʻқ. — Р. Жуманиёзов, Сўз кўрки — мақол
  • Бурди кетмоқ (ёки қолмаслик) 1. Эл олдида ишончни, эътиборни ёʻқотмоқ, гапининг тайини қолмаганлик. — Менга қара, — деди Ражаб бобо [Ҳожиматга], — бир бурдинг кетгандан кейин, ҳеч ким сени одам қаторида кўрмай қўяди. — С. Аҳмад, Қадрдон далаларСўз бердингми, уни, албатта, бажариш керак. Ёʻқса, бурдинг қолмайди. — С. Кароматов, Бир томчи қонҲосил мўл, тобида силос қилмасак, шираси камайиб, бурди кетади. — Ф. Нуруллаев, Бўз йигитҚишлоқдаги кўпчилик иморатлар эскириб, бурди кетиб қолган, бундай ёмғирларга бардош беролмас эди. — Ш. Рашидов, Қудратли тўлқинФотима опа унинг бурди кетиб қолган йиртиқ ботинкасини эски чўтка билан мойламоқда. — Р. Файзий, Сен етим эмассан
Тўлиқ мақола →
бурж
Изоҳли луғат · яна 2 та луғатда

от 1. астр. Қуёшнинг йиллик кўринма ҳаракати доирасидаги ўн иккита юлдузлар туркуми; уларнинг ҳар бири (Ҳут, Ҳамал, Савр, Жавзо, Саратон, Асад, Сунбула, Мезон, Ақраб, Қавс, Жадй, Далв).

Туркий халқларда ойларнинг номи ҳам бурж номидан олинган — Ўзме

Тақсиримнинг юлдузлари Қавс буржига кирди. Уйғун ва — И. Султон, Алишер Навоий

2. Қалъа деворига туташтириб, унга тиргак сифатида ташқи томонидан минора шаклида қурилган қўшимча бино.

Девор бўлиниб ҳар 60 метрда бурж бино қилинган. — Фан ва турмуш

19-асрда бунёд қилинган қалъа деворлари кўплаб буржлар билан мустаҳкамланган. — Фан ва турмуш

Шу пайт қалъа буржида пайт пойлаб ўтирган бир курд мерган уни аниқ нишонга олди. — Б. Аҳмедов, Улуғбек

3. Бурчак, бурч.

Насиба боғнинг анор кўчатлари ўсаётган ўнг буржини кўрсатди. — Ёшлик

Бугун ҳар буржингдан, ҳар бир тошингдан Фақат дўстлик деган садо келади. — А. Орипов, Йиллар армони

Тўлиқ мақола →

Ҳаммасини кўриш · 214 →

Таърифлар ичида

44 та
reject инглизча

қайтармоқ, бирор томонга бурмоқ, оғдирмоқ, энгаштирмоқ; ташламоқ, ташлаб юбормоқ отклонять; отбрасывать

Ҳаммасини кўриш · 44 →

Эртаклар

1 та
Уч оға-ини ботирлар
Халқ оғзаки ижоди

Уч оға-ини ботирлар ўз билимдонликлари ва жасоратлари билан подшоҳнинг эътиборини қозонадилар. Бироқ, ҳасадгўй вазирнинг иғвоси туфайли кенжа ботир қийинк

Шева материаллари

1 та
гäлдирмäк
Қорақалпоғистон Республикаси · айлантирмоқ, ўгирмоқ, бурмоқ