Поиск

ot 1. Oʻrta Osiyoning, shuningdek, Oʻzbekistonning turli yerlarida turli mezonga, salmoqqa ega boʻlgan (ikki puddan oʻn bir pudgacha) ogʻirlik oʻlchov birligi.

Chumchuq semirgani bilan botmon boʻlmas. — Maqol

Bedananing ham oʻziga yarasha botmoni bor. Maqol.

Yetmish botmon toshni koʻtarib otdi. — Intizor

Xudo senga bir botmon kuch bergan-u, bir misqol aqlni ayagan! — Oybek, Quyosh qoraymas

2. Taxminan bir gektarga teng sath oʻlchov birligi.

Mavlon akaning meros mahriga tushgan ikki botmon yeri bor. — H. Gʻulom, Mashʼal

Shu oʻttiz chaqirimli ariq qazilib bitganda, Namangan va Andijon tumanlaridan ikki ming botmongacha yer sugʻorilar edi. — A. Qodiriy, Mehrobdan chayon

Raisni kasal deb oʻylab, hammang quturib ketding. Qoʻsh hoʻkiz ovora-yu, bir botmon yer haydama y san. — M. M. Doʻst, Lolazor

sft. Qanchadir botmondan iborat.

Besh botmonli.

fl. Botmon bilan oʻlchamoq, botmonlab saralamoq.

Botmonlab sovurmoq.

Oʻrda darvozasining sahni botmonlab hisoblangan mevazor boʻlib, bunda olma, oʻrik, nok va tut yogʻochlari xiylagina bor edi. — A. Qodiriy, Oʻtgan kunlar

Akang-ku misqollab topgan obroʻyimni botmonlab sovurib yuboribdi. — Shuhrat, Jannat qidirganlar

Xavotir olma, bolam, xudo xalloq. U bandasiga dardni botmonlab berib, misqollab olar ekan. — K. Yashin, Hamza

Qancha qancha botmon, necha-necha botmon.

Asqarxoʻjaga qarashli botmon-botmon yerlardan koʻp qismini qarollar allaqachon boʻlishib olishgan edi. — Gʻayratiy, Yoshligimsiz

Botmon-botmon suvli yerlar koʻz ilgʻamas, Bizning kuchdan yashnadilar, bas, endi bas! — Gʻ, Gʻulom

Juda katta; juda ogʻir, juda koʻp.

Bogʻni boqsang, bogʻ boʻlar, botmon-dahsar yogʻ boʻlar. — Maqol

Болезнь входит батманами, а выходит золотниками.

[Muqaddas:] ...Natija koʻngildagidek. Bir oydan keyin gipsni olib tashlash mumkin. [Botirov:] O-ho-ho! Yana bir oy?! [Muqaddas:] Kasal botmonlab kiradi, misqolllab chiqadi. [Муқаддас:] Все идет как нужно. Через месяц можно будет снять бинт. [Батыров:] Ого! Ждать еще месяц?! [Муқаддас:] Сами знаете: болезнь входит батманами, а выходит золотниками. — Б. Раҳмонов, Олтин одамлар.