«boshqarishmoq» boʻyicha 40 ta natija
fl. Boshqarmoq feʼlining birgalik nisbati.
fl. 1. Korxona, muassasa, tashkilot va shu kabilar ishini idora qilmoq, yoʻlga solib turmoq.
Zavodni boshqarmoq.
Yirik-yirik qurilishlarni boshqardim. — E. Samandarov, Daryosini yoʻqotgan qirgʻoq
2. Yurgizmoq, tebratmoq, olib bormoq (xoʻjalik, roʻzgʻor; davra va shu kabilarni).
uyimni boshqaradigan birdan-bir farzandim — shu qizim. — S. Ayniy, Esdaliklar
Oila boshligʻi — Zunnunxoʻja, roʻzgʻorni kampir boshqaradi — A. Qahhor, Qoʻshchinor chiroqlari
Bu gal ham oʻtirishni Sayhoniy boshqarardi. — Yoshlik
3. Tegishli moslama va usullardan foydalanib harakatga keltirmoq, ishga solmoq, yurgizmoq, haydamoq.
Kemani boshqarmoq. Mashinani boshqarmoq.
Paygʻamov mashinani oʻychan boshqarib borar vijirlab turgan toʻrgʻaylar nagʻmasini eshitmasdi. — S. Nurov, Maysalarni ayoz urmaydi
4. tlsh. Sintaktik aloqa qonuniyatlariga muvofiq maʼlum kelishik shaklini talab qilmoq.
Oʻtimli feʼllar tushum kelishigini boshqaradi.
5. folk. Koʻrsatmoq, boshlab bormoq, yetakchilik qilmoq.
Yoʻl boshqarib, yashov koʻrib boradi, Ergashtirib koʻchgan Qoʻngʻirot elatini. — Yodgor
Hayallamay yoʻl boshqargin shu zamon, Joʻnab ketsin bundan bolang Rustamjon. — Murodxon
6. Toʻgʻrilamoq, yoʻnaltirmoq.
Gʻoʻza egatiga suvni boshqarib qoʻyardi-yu, oʻzi paykalning etagiga tushib ketardi. — Yoshlik
Mustafo tagʻin yumshadi: — Bor, suvingni boshqarib kel. — M. M. Doʻst, Galatepa qissalari
ot Davlat boshqaruvi tizimida biror yirik tarmoq yoki xoʻjalik sohasida yuqori (oliy) yoki oʻrta boʻgʻindagi idora, tashkilot.
Suv xoʻjaligi boshqarmasi. Obodonlashtirish boshqarmasi. Markaziy bankning viloyat boshqarmasi.
Iskandarov boshqarmadan eshitadiganini eshitdi. — S. Ahmad, Laʼli Badaxshon
Universitetda ham, geologiya boshqarmasida ham domlani qoʻllab-quvvatlaydigan odamlar borligini orqavoratdan eshitgan edi. — S. Karomatov, Oltin qum
ot 1. ayn. Boshqarish 1.
Ish(ni) boshqaruv. Boshqaruv apparati. Uz-oʻzini boshqaruv organlari.
Boshqaruv apparati qisqartirilgan boʻlsa ham hamon katta boʻlib turibdi. — Gazetadan
Operatorlar boshqaruv pulti yonidan joy egallashdi. — Oʻzbekiston qoʻriqlari
2. Davlatni idora qilish usuli.
Prezidentlik boshqaruvi.
3. tlsh. Sintaktik aloqa talabiga koʻra tobe soʻzning hokim soʻzga maʼlum kelishik shakli yoki koʻmakchi yordamida bogʻlanishi.
Tobe soʻzning hokim soʻz talabiga koʻra maʼlum kelishik yoki koʻmakchilar orqali bogʻlanishi boshqaruv deb ataladi. — Oʻzbek tili darsligi
fl. Boshqarmoq feʼlining majhul nisbati.
Boshqariladigan raketa. Boshqariladigan bomba.
Hujayralar va umuman organizmning gʻoyatda xilma-xil vazifalari hujayra membranalari yordamida boshqariladi. — Fan va turmush
