Qidiruv

fl. 1. Band etib yoki ishgʻol qilib turgan kimsadan, narsadan holi boʻlmoq.

Zal boʻshadi. Yoʻl boʻshadi. Uy boʻshadi. Inoq oilada beshik boʻshamas. — Maqol

Sabzavot, poliz ekinlaridan boʻshagan yerlarni peshma-pesh haydashga kirishiladi. — Gazetadan

Hafiza boʻshagan bir stulga borib oʻtirib, sumkasidagi konspektni oʻqishga tutindi. — Mirmuhsin, Umid

Yodgor yon-veriga alanglab, zal boʻshab qolganini koʻrdi-da, darrov oʻrnidan turdi. — Oʻ. Hoshimov, Qalbingga quloq sol

2. Ishdan, amaldan, mansabdan qutulmoq, ozod boʻlmoq.

U raislikdan boʻshadi.

— To bosdi-bosdi boʻlguncha, ishdan boʻshab turasizmi yo? — deb soʻradi. — N. Aminov, Qahqaha

Oʻrozmat bu yerlardan boʻshab, boshqa ishga oʻtib ketdi. — Gazetadan

Qizlarxon oxiri er amriga koʻnib, vazifasidan boʻshadi. — Mushtum

3. Qutulib chiqmoq, qutulmoq; xoli, er-kin boʻlmoq.

Turmadan boʻshamoq. Birovning qoʻlidan boʻshamoq.

Gʻulomjon onasining issiq quchogʻidan boʻshab, sekin oʻrnidan turdi. — M. Ismoiliy, Fargʻona tong otguncha

Homiladan boʻshagan ona organizmi 3-4 yil dam olishi kerak. — Saodat

Zuhra maktabdan boʻshadi deguncha dalaga chopadi. — S. Zunnunova, Olov

Qishloq ahli qish oylarida ishdan bir oz boʻshab qolishadi. — R. Rahmon, Mehr koʻzda

4. Yechilib ketmoq.

It boʻshab ketibdi.

fl. 1. Boʻshamoq I 3 feʼlining oʻzlik nisbati.

2. Koʻzi yorimoq, tugʻmoq.

Yangi boʻshangan ayollarning to sogʻayib, quvvatga kirib ketguncha boʻlgan davri xalq oʻrtasida chilla davri deb yuritiladi. — S. Ismoilova, Koʻkrak kasalliklari

Qaynonasining oʻjarligi tufayli Sanobarxon uyda boʻshandi. — S. Hamidov, Chaqaloq nega nobud boʻldi?

Yangi boʻshangan sovliq qoʻzisini yalardi. — S. Ahmad, Yulduz

3. Hojatxonaga bormoq.

Uch kun uni [Mansurni] hojatxonaga yoʻlatmay, boʻshanishini poyladik. — N. Qobul, Unutilgan sohillar

sft. Gapni, ishni eplay olmaydigan, boʻsh, lavang, lapashang.

Anvar yoshligida boʻshanggina bir bola edi. — A. Qodiriy, Mehrobdan chayon

Bolalar uni boʻshang deb bilib, baravar tortishishdan man tortishmasdi. — Yoshlik

Shunchalik ham boʻshang boʻladimi odam, loaqal oʻgʻli tengi bolani tartibga chaqirib qoʻyolmasa! — Yoshlik

ot Qattiqqoʻl boʻla olmaslik; yumshoq koʻngillik; lapashanglik, ojizlik.

Biz boʻshanglik qilsak, boshqa jamoalar ham qurollanadi. Unda holimizga voy! — H. Gʻulom, Mashʼal

Taqsir, qattiqroq qamchilang, boʻshanglikning vaqti emas, orqadan quvishayotganligini koʻrmaysizmi? — A. Hakimov, Ilon izidan

Irodaning uyatchanligi boʻshanglik yoki noshudlikka emas, ishga va adabga asoslangan edi. — F. Musajonov, Himmat

fl. Boʻshanmoq feʼlining orttirma nisbati.

fl. Bir oz boʻshashmoq, muloyimlashmoq, yumshamoq.

Keksa militsioner hujjatlarni chiroqqa tutib, qayta-qayta koʻzdan oʻtkazdi-da, boʻshanqirab, yoʻldoshiga berdi. — Oybek, Quyosh qoraymas