Қидирув

сфт. 1. Гўшт учун боқиб семиртирилган мол.

Бўрдоқи қўй. Бўрдоқига боқмоқ.

Бўрдоқини сўйишга қассобни чақирайми? — Ҳамза, Танланган асарлар

Орадан икки ой ўтгандан кейин қараса, қўй бинойидек бўрдоқи бўлиб қолибди. — А. Мухтор, Тонг билан учрашув

Ярим ойлик моянасига саккизта бўрдоқи товуқ келади. — С. Аҳмад, Сайланма

2. кўчма Бекор ётиб ёки бировнинг ҳисобига яшаб семирган одам ҳақида.

Ҳа ўша бир умр меҳнаткашнинг сувини сиқиб ичган бўрдоқи Матқовулнинг ўзи. — А. Мухтор, Опа-сингиллар

Бўрдоқидай лорсиллаб кетяпсан кундан-кунга, озишинг керак. — Ж. Абдуллахонов, Хонадон

3. кўчма Бўлиқ, тўлиқ, етилган.

Бўрдоқи ҳар бир кўсак. Етилган дурдонамиз. — Р. Бобожон, Танланма

от Молларни бўрдоқига боқиш билан шуғулланувчи киши.

от Чорвачиликнинг молларни бўрдоқига боқишга ихтисослашган тармоғи; бўрдоқи боқиш.

Бўрдоқичилик фермаси. Бўрдоқичилик давлат хўжалиги.

Бўрдоқичилик базаси тоғлар бағрида жойлашган. — Газетадан

Бўрдоқичилик базасида яна бир ем-хашак тақсимловчи линия ишга туширилади. — Газетадан

в [Т]

• fatten sb/sth (up) семиртирмоқ, бўрдоқига боқмоқ -
• :: fatten /'fætn/ v [T] fatten sb/sth (up) семиртирмоқ, бўрдоқига боқмоқ -