ингл:рус: Турли фойдаланувчилар ёки қурилмаларнинг айнан бир маълумотлардан ёхуд ресурслардан бир вақтнинг ўзида фойдаланиши.инглизчаsharingрусчаразделение
Қидирув
«бўлишиш» бўйича 249 та натижа
Филтр
Луғат тури
Луғат мақолалари
244 та
Изоҳли луғат
· яна 5 та луғатда
фл. 1. Юз бермоқ, воқе бўлмоқ.
Кеча мажлис бўлди. Бугун бир қизиқ воқеа бўлди.
Бир ойдан кейин худди мана шу катта боғда данғиллама тўй бўлди. — Ў. Ҳошимов, Қалбингга қулоқ сол
Бўлди кулги! Айниқса, Мирраҳимов завқ қилиб кулди — А. Қаҳҳор, Асарлар
2. Келмоқ, бошланмоқ; ўтмоқ, кечмоқ (фасл, давр, пайт ва шу кабилар ҳақида).
Баҳор бўлди. Кеч бўлди. Вақт бўлди.
Бувайдадан чиқиб кетганимга йигирма йилдан ошгандир, кўп ҳам бўлгандир. — А. Қаҳҳор, Қўшчинор чироқлари
3. Баҳоланмоқ, бирор нархга олинмоқ ёки сотилмоқ.
Сигир қанча бўлди? — Арзон бўлди. Бўлиши қанча? — Олаверинг, от билан туя бўлармиди!
4. Амалга ошмоқ, битмоқ.
Бўладиган иш. Бўлмайдиган иш. Ҳамма иш бир ҳафтада бўлади. Ўқиш қаноат билан бўлади.
Шунақасиз-да, бўлмайдиган гапга ишониб, бўладиганига ишонмайсиз. — С. Аҳмад, Ҳукм
Энди бўлар иш бўлди, Асрорқул отага айтманг. — А. Қаҳҳор, Асарлар
5. Тахт ҳолга келмоқ, тайёр бўлмоқ, битмоқ.
Қишлигимизни ҳозирдан ғамлаб олдик. Кийим-кечагимиз бўлди. — А. Қаҳҳор, Қўшчинор чироқлари
6. Етарли бўлди деб ҳисобламоқ; тўймоқ.
Ошни олинг! — — Раҳмат, мен бўлдим
7. кўчма (чиқиш келишигидаги сўз билан) Тўймоқ; кўриб-билиб ҳафсаласи қайтмоқ; жонига тегмоқ.
Мен доридан бўлдим. Мен ҳаммаларингдан ҳам бўлдим.
8. Тугатмоқ, охирига етказмоқ.
Ишим кўп эмас, бир-икки соатда бўлиб қоламан.
— Мана, бўлди, — Муқаддам игна ўрнини спиртли пахта билан артиб жилмайди. — Ў. Ҳошимов, Қалбингга қулоқ сол
9. Ярамоқ; тўғри, мувофиқ келмоқ.
Бу иш менга бўлмайди Бу палто сенга бўлади. Ўзига бўй бўлмаган, ўзгага енг бўлмас. — Мақол
10. Эга бўлмоқ; бор, мавжуд бўлмоқ.
Бўлгани шу, бошқа ёʻқ. Бундай ёрдамчининг бўлганидан бўлмагани яхши.
Бунинг ўрнига ҳидлар таркибида бўлган зарралардан фойдаланса бўлмасмикин? — Х. Тўхтабоев, Ширин қовунлар мамлакати
Деҳқоннинг оти бўлади-ю, ишга солинмайдими? — М. Исмоилий, Фарғона тонг отгунча
11. Бирор жойга бориб, ташриф буюриб, маълум вақт турмоқ, қўнмоқ, яшамоқ.
Хоразмда кўп бўлганман. Ҳайвонот боғида бўлмаганман.
Сиз бизнинг ҳовлида бўлганмисиз? — А. Қодирий, Ўтган кунлар
— Кўп марталаб меҳмон бўлгандим, — деди қутидор, — ул вақтда бобонгиз ҳам ҳаёт эдилар, — А. Қодирий, Ўтган кунлар
Даданг бу ерда ҳам, шаҳар ҳовлимизда ҳам бўлган. — Ойбек, Танланган асарлар
12. Бирор-бир тадбирда иштирок этмоқ, қатнашмоқ, ҳозир бўлмоқ.
Тўйда бўлдингизми?
Яхши, сен бу тўртовининг ўтиришларида бўлганмидинг? — А. Қодирий, Ўтган кунлар
13. Ўсмоқ, битмоқ (ўсимлик, ҳосил ҳақида).
Бизнинг ерларда хурмо бўлмайди. Ўзбекистонда пахта яхши бўлади. шл Бу ерга анжир эк, лагандай бўлмаса, калламни ол. — Ойбек, Олтин водийдан шабадалар
14. Бирор даражага етмоқ, ўз наслига тортмоқ.
Одам бўлмоқ. Ўқиб инженер бўлмоқ. Отанг боласи бўлма, одам боласи бўл. — Мақол
◆ Университетни битираман, кандидат, доктор бўламан. — А. Қаҳҳор, Оғриқ тишлар
15. (чиқиш келишигидаги сўз билан) Дунёга келмоқ, туғилмоқ.
Чўридан бўлган бола., унинг устига — қиз, бийнинг шаънига иснод эди. — А. Мухтор, Қорақалпоқ қиссаси
— Ҳой, мингбошининг ҳаромидан бўлган қизи, қанисан, бу ёққа кел! — ўшқирди бойвачча. — К. Яшин, Ҳамза
16. (чиқиш келишигидаги сўз билан) Келиб чиқмоқ, туғилмоқ.
Саломат Наманганнинг Чортоқ қишлоғидан бўлади. — С. Аҳмад, Ҳукм
17. Бирор ҳаракат ёки нарсанинг етарли бўлганини, меъёрдан ошганини, қониққанликни, мамнунликни ифодалайди.
Бўлди, кетмонларни бир ерга тўпланглар, кетдик. — С. Кароматов, Олтин қум
— Бўлди, — қиз кула-кула кафти билан юзини тўсди. — Бўлди, Марат ака, тавба қилдим — Ў. Ҳошимов, Қалбингга қулоқ сол
Э, бўлди-бўлди. Шодибекнинг ўғлиман, денг? — Э. Раимов, Ажаб қишлоқ
Мана, Эрмат ота, мана бу иш бўпти-да. — П. Турсун, Ўқитувчи
18. Бирор ҳаракат, тадбирни маъқулламоқ, унга қўшилмоқ.
Бўпти, боради! Бироқ Хўжабекова кўнармикан? — С. Анорбоев, Оқсой
Бўпти. Сизнинг ташаббусингизни қувватлаймиз. — П. Турсун, Ўқитувчи
— Хўп бўлади, — дедим-у, ўрнимдан турдим. — Э. Раимов, Ажаб қишлоқ
19. Сифат туркумидаги сўзлар билан бирикиб, қўшма феъл ҳосил қилади, масалан,
ҳайрон бўлмоқ, хурсанд бўлмоқ, кир бўлмоқ. Оз бўлсин, оз бўлса ҳам, соз бўлсин. — Мақол
Жоним билан, Рустамжон ака. Бундан кўнглингиз тўқ бўлсин. — К. Яшин, Ҳамза
Шов-шув кўтарма! Даданг хабардор бўлиб қолса, яхши бўлмайди. — Ойбек, Танланган асарлар
20. -(а)р, -(а)диган, -(й)диган, -моқчи аффиксли феъллар билан қўшилиб, истак, майл маъноларини билдиради.
У [Отабек] кўз ёшларини тўхтатмоқчи бўлар эди. — А. Қодирий, Ўтган кунлар
Шундан кейин четдан келган одамларга ҳушёр кўзим билан қарайдиган бўлдим. — Муштум
Уй қиладиган бўлсангиз, менинг кўнглимга ҳам қаранг-да. — А. Қаҳҳор, Асарлар
Гулсумбиби қизи дам олгандан кейин, кечаси ёки эртага астагина билдирмоқчи бўлди. — Ойбек, Танланган асарлар
21. -дай, -дек аффиксли феъллар билан қўшилиб, иш-ҳаракатнинг жараёни, ҳолатини билдиради.
Ҳамроқул сувни ичиб, бир оз ўзига келгандай бўлди. — А. Қаҳҳор, Асарлар
Ногоҳ Бектемир даҳшатли тушдан уйғонгандек бўлди. — Ойбек, Қуёш қораймас
Туриб-туриб, гоҳо уни тушимда кўргандай бўламан. — С. Сиёев, Ёруғлик
22. -(и)б аффиксли равишдошдан кейин кўмакчи феъл вазифасида келиб, иш-ҳаракатнинг тугалланганлигини билдиради.
Самандаров хатни ўқиб бўлди, унинг устига кафтини қўйиб, Тўлаган акага қаради. — А. Қаҳҳор, Қўшчинор чироқлари
Аёл пахтасини тўкиб бўлгунча, Ғуломжон унга ер остидан разм солиб турди. — М. Исмоилий, Фарғона тонг отгунча
23. Бўлишсиз шаклларда келиб, иш-ҳаракатнинг амалга оширилиши қийинлигини ёки мумкин эмаслигини билдиради.
Ит оғзидан суяк олиб бўлмас. — Мақол
Сўз чумчуқ эмас, Оғиздан чиқса, тутиб бўлмас. — Мақол
Ёз ёмғири лой бўлмас, Ўғри асло бой бўлмас. — Мақол
У йиғлаб юбормасликка ҳар қанча ҳаракат қилса ҳам, бўлмади. — Ў. Ҳошимов, Қалбингга қулоқ сол
24. От кесим таркибида боғлама вазифасида келади.
Ўктам Абдуллаев мактабга директор бўлди. Бу киши бизнинг тоғамиз бўладилар.
Эркак одам бир сўзли бўлади. — С. Аҳмад, Уфқ
Бола вужуди нозик бўлади. — Газетадан
Хотин кишининг кўз ёши ширин бўлади. — Ў. Ҳошимов, Қалбингга қулоқ сол
/Қушбеги:] Қутидор билан Отабекнинг кими бўласиз, синглим? — А. Қодирий, Ўтган кунлар
- Бор бўлинг
- Бўлган экан Иш, аҳвол яхши эмас экан. Ия-ия, улуғ, сиз ҳам шу гапни айтдингизми? Сизки шундоқ десангиз, роса бўлган экан-да. — С. Аҳмад, Ҳукм
- Ёʻл бўлсин
- Муборак бўлсин
- Ош бўлсин
- Шу-шу бўлди-ю
- Қутлуғ бўлсин
- Билан бўлмоқ 1. Бирор томон билан бирга қолмоқ. Ё мен билан бўл, ё у билан бўл;Тўпанисо Сидиқжоннинг сўзини эшитмаган ва ўз уйи ъбилан бўлиб, бошқа ёққа қараб ўтирган эди. — А. Қаҳҳор, Қўшчинор чироқлари
- -са бўлгани -са яхши бўлар эди. У келса, бўлгани. Ёмғир ёғмаса, бўлгани.
- -са бўладими Ногаҳон юз берган воқеа-ҳодиса ҳақида ҳикоя қилаётганда ишлатилади. Саҳарга яқин Аччида кетаётган эдим, рўпарамдан ёʻлбарс чиқиб қолса бўладими. — А. Қаҳҳор, Қўшчинор чироқлариРоҳилабуви ўлгур, тикиб кийиб олса бўладими! — А. Қаҳҳор, Қўшчинор чироқлари
Изоҳли луғат
· яна 10 та луғатда
от 1. айн. Асал 1, 2.
Бол сотган бармоғини ялар. — Мақол
Бу ернинг узуми, анори, анжири бол билан тенг дейдилар. — Газетадан
Ол-ол бўлсин, ол бўлсин, ёринг лаби бол бўлсин. — Кунтуғмиш
2. кўчма Тот, лаззат.
Тил бор — бол келтирар, Тил бор — бало келтирар. — Мақол
Яхши хотин —умр боли. — Мақол
Улар ҳаёт болини эмас, ҳаёт заҳрини ютиб ўтирардилар. — М. Исмоилий, Фарғона тонг отгунча
3. кўчма Яхши, мулойим муомала.
Тилингда бўлса болинг, Кулиб турар иқболинг. — Мақол
Муздан сув томар, Сўзамолдан — бол. — Мақол
- Оғзидан (ёки лабидан, сўзидан) бол томади Жуда ҳам ширинсўз одам ҳақида. Аноргулнинг ҳар сўзидан Боллар томар, ёр-ёр. — ҚўшиқларҲар сўзингдан бол томсин, Кўрган орзулаб қолсин. — Қ. МуҳаммадийКатта-кичикка оғзидан бол томиб муомала қиладиган хола негадир мен билан тил учида сўрашиб қўя қолди. — МуштумЛабларингиздан бол томади, ёниб турган оловсиз. — К. Яшин, Ҳамза
Изоҳли луғат
· яна 5 та луғатда
от 1. айн. Ёстиқ.
Ҳар бир айвоннинг токчасида беҳисоб бахмал, ипак кўрпачалар, болишлар. — Ж. Шарипов, Хоразм
Мамат қассоб болиш четини маҳкам чангаллаган кўйи ўғлига қаттиқ тикилиб қолди. — Ёшлик
Ўтган куни Бобур ўзига келди, болишга суяниб, бир оз бошини кўтарди. — Ҳ. Ҳасанов, Экватордан ўтганда
2. Диваннинг суянишга мўлжалланган болиш шаклидаги суянчиғи.
Акбаров қаддини ростлаб, диваннинг болишига билагини қўйди. — П. Қодиров, Уч илдиз
Диваннинг клеёнка қопланган суянчиқ болишида бир китобнинг беш-олти нусхаси турибди. — С. Нуров, Майсаларни аёз урмайди
- Лўла болиш
Изоҳли луғат
· яна 3 та луғатда
фл. Бўлмоқ И феълининг биргалик нисбати.
Дўстлар ўйланиб туриб, кейин бахтларини синамоқчи бўлишибди. — Эртаклар
Илгари “синглим“ деб турган йигитлар, сал ўтмай, опа дейдиган бўлишди. — А. Қаҳҳор, Мастон
Изоҳли луғат
· яна 7 та луғатда
от 1. Янги туғилган, ҳали кўкракдан, она бағридан ажратилмаган гўдак; чақалоқ.
Бола эмизмоқ. Болани аллалаб ухлатмоқ. Бола йиғламаса, она сут бермайди. — Мақол
Ўзбек ойим бурчакда бола кўтариб ўтирган Зайнабдан чақалоқни олиб, уни жомни тўкиб келишга буюрди. — А. Қодирий, Ўтган кунлар
2. Ҳали ёш, вояга етмаган одам.
Болани ёшдан асра, ниҳолни бошдан асра. — Мақол
Яхши боладан — раҳмат, Ёмон боладан — лаънат. — Мақол
Мен куяман боламга, Болам куяр боласига. — Мақол
Алдагани бола яхши. — Қанотли сўзлар
— Ҳали бола экансиз, — деди Кумуш. — А. Қодирий, Ўтган кунлар
Анвар келишган, дўндиқ бола эди. — А. Қодирий, Меҳробдан чаён
Аёл кишининг фазилати бола билан бўлган муносабатида очилади. — Ф. Мусажонов, Ҳиммат
3. Фарзанд, ўғил-қиз, зурриёт.
Одамнинг меваси — бола. — Мақол
Бол ширин, болдан бола ширин. — Мақол
Бола азиз, одоби ундан азиз. — Мақол
Бир онадан алвон хил бола туғилади, деганларидек, Анварнинг яратилиши оғаларига нисбатан бошқача эди. А. Қодирий, Меҳробдан чаён.
4. кўчма Ёши улуғ, аммо гўдакларча иш тутадиган, болаларча мулоҳаза юргизадиган одам ҳақида.
— Нега кўнглимга олмай, мен ёш боламанми! — деди [Кумуш]. — А. Қодирий, Ўтган кунлар
Эй хотин, бола бўлиб қолган-сан десам, аччиғинг келади. Ахир гапнинг охирига қадар тинглаб турмайсанми. — Ойдин, Ширин келди
5. (кўпинча 1-шахс эгалик аффикси билан) Ёши катталарнинг ёшларга мурожаат шакли.
— Узр айт, болам. Золим билан тенглашма! — деди чол. — Ойбек, Танланган асарлар
— Меники бедаво дард. Уҳ! — енгил хўрсинди Тоҳиржон. —Ундай дема, болам. Ноумид шайтон. — Ойбек, Танланган асарлар
6. Янги туғилган, тухумдан чиққан, ҳали вояга етмаган ёш ҳайвон ёки парранда.
Қўнғиз боласини оппоғим дер, кирпи боласини юмшоғим дер. — Мақол
Илоннинг боласи — илон, Чаённинг боласи — чаён. — Мақол
7. Ҳомила, қориндаги гумона.
— Боланг неча ойлик бўлди, ер ютгур? — бўғилиб сўради ва қизни бир тепди. — Ойбек, Танланган асарлар
Меҳри иккиқат. Бола икки ойлик, уч ойлик беш ойлик Қандай қилиб бўлса ҳам, болани тушириш керак. — А. Қаҳҳор, Бошсиз одам
- Аскар бола Уруш йиллари аскар болаларни ёʻқлаб турдик. — А. Қаҳҳор, Асарлар
- Бўз бола Ҳали турмушнинг аччиқ-чучугини тотмаган, турмуш тажрибаси ёʻқ йигит. Ёʻлчи қачон келар экан, келганда ҳам нима қиларди, бўз бола, камбағал. — Ойбек, Танланган асарлар
- Дала (ёки саҳро) боласи Қашқарнинг қизи, жувони олмадай бўлади. Сен саҳро боласига сўзни уқтириш ҳам қийин. — Ойбек, Танланган асарлар
- Келин бола Ёш келин, эндигина тушган келин, келинчак. Ҳожининг “Энди келин болани юбормаймиз-да“, деб келишига: Менинг болам эмас, сизники, у ер ҳам, бу ер ҳам ўзининг уйи, — деди [қутидор]. — А. Қодирий, Ўтган кунларкелин болани Тошкентга олиб келишларини сўраган эдим. — А. Қодирий, Ўтган кунлар
- Куёв бола Ёш куёв, янги куёв. Совчилар қуда бўлмишларига куёв болани роса мақташибди. — Муштум— Куёв бола ёлғиз қолар эканлар-да? — қизнинг ҳаракатлари негадир шофёрга ёқмади. — У. Умарбеков, Ёз ёмғири
- Кўча бола(си) Кўча-кўйда санқиб юрадиган, тарбиясиз бола. Нариги уйдан увадаси чиқиб кетган ёстиқни кўтариб Ҳам-дам чиқди: — Ўтир бу ёққа. Хўш, сен нима учун кўча болаларига ўхшаб ахлоқсизлик қиласан? — А. Қаҳҳор, Айб кимда?
- Ота(си)нинг боласи Ўз отасига ўхшаган; ўз отасининг ишини тута билган фарзанд ҳақида. Отабек хуфтон намози учун таҳорат олишга меҳмонхонадан чиққан эди, унинг кетича: — Отанинг боласи-да, — деб Зиё шоҳичи меҳмонларга қараб қўйди. — А. Қодирий, Ўтган кунлар
- Ўғил бола 1. Эркак жинсидаги бола. Ўғил болани уриш гуноҳ деб биладиган Умматали бу гал ўзини тутолмади. — С. Аҳмад, Уфқ— Мен кишининг хизматини унутадиган йигит эмасман, — деди Ҳомид ва давом қилди, — ўғил бола учун — ўғил болалигим, ёмон учун ёмонлигим бор. — А. Қодирий, Ўтган кунларГапнинг ўғил боласини айцам, биз тарафда беморларга наридан-бери қарашади. — Муштум
- Қиз бола 1. Аёл жинсидаги бола. Шу ёшга кириб қиз бола билан биринчи марта кинога тушиши эди. — Х. Тўхтабоев, Сариқ девни минибқиз боланинг бунчалик шўх бўлишини биринчи кўришим. — Мирмуҳсин, Меъмор
- Бола кўрмоқ Фарзандли бўлмоқ. Орада тўққиз йил ўтди. Булар тўрт бола кўришди — А. Қаҳҳор, Бошсиз одам
Эртаклар
5 та
Халқ оғзаки ижоди
Уч ака-ука отасидан қолган олтинни бўлишиш учун ёʻлга чиқади. Ёʻлда уч йигит ўзларининг ақл-идроки билан бир туякаш ва қозини ҳайратда қолдиради.
Халқ оғзаки ижоди
Ушбу эртакда икки ўртоқнинг топқир мерган томонидан қандай алданганлиги ҳақида ҳикоя қилинади. Улар ғозни бўлишиш учун туш кўришга келишишади, аммо
Халқ оғзаки ижоди
Ушбу эртакда уч дўст – кана, тулки ва тошбақанинг буғдой экиб, ҳосилни бўлишишдаги саргузаштлари ҳикоя қилинади. Айёр тулкининг ҳийласи қандай барбод
Халқ оғзаки ижоди
Ушбу эртакда ака-уканинг бир-бирига бўлган меҳр-оқибати тасвирланади. Улар биргаликда буғдой экиб, ҳосилни бўлишишади, аммо ҳар бири ўз улушини иккинчи
Халқ оғзаки ижоди
Бу эртакда деҳқоннинг тадбиркорлиги ва шайтоннинг соддалиги тасвирланади. Улар биргаликда деҳқончилик қилиб, ҳосилни бўлишишда турли вазиятларга тушишад