Qidiruv

ot 1. Kiyim-kechakning taxliti, fasoni, bichigʻi.

Aytishlaricha, butun Yaponiyada bir necha million kimono boʻlsa ham, yo rangida, yoki gullarida, yoki bichimida albatta tafovut boʻladi. — H. Hasanov, Ekvatordan oʻtganda

Qizlar bu kiyimning materialini, bichimini zoʻr ishtiyoq bilan maqtab ketishdi. — J. Abdullaxonov, Xonadon

2. Tana (gavda) tuzilishining yaxlit koʻrinishi, qad-qomat; qiyofa.

Bichimi kelishgan yigit.

Saidgʻozi ularning [Poʻlat va Shermatning] bichimiga qarab, darrov tanidi. — S. Anorboyev, Oqsoy

Bu yerdagi otlar turli tusda va turli bichimda boʻlib, zotli, nodir otlar edi. — Oybek, Tanlangan asarlar

Qiz hali yosh boʻlsa-da, boʻychan edi, bichimi ingichka va sambitgul novdasiday adil edi. — Oybek, Tanlangan asarlar

3. Shakl, oʻlcham.

Kitob bichimi 84x108 boʻlgan qogʻozga bosilgan.

sft. Biror bichimga ega boʻlgan, tashqi tuzilishi, qiyofasi kelishgan, xush-bichim.

Bichimli kiyim.

Borayotsa, sher bichimli, koʻzi koʻr, suluv bir kishi saroyning ogʻzida hassasini suyab turibdi. — Goʻroʻgʻli

sft. Bichimi kelishmagan, beoʻxshov.

Bichimsiz kiyim.

Mirkomilboyvachcha oyogʻini chalishtirib, kichkina, bichimsiz yuzini mastlarcha burishtirib, papiros tutatadi. — Oybek, Tanlangan asarlar

n clumsiness, awkwardness

adj zebo, orasta boʻlmagan, xushbichim boʻlmagan :: inelegant /ɪnˈelɪgənt/ adj zebo, orasta boʻlmagan, xushbichim boʻlmagan

sft. 1. Yaxshi tikilgan; kiyganda yarashadigan, bichimi yaxshi (kiyimlar haqida).

Xushbichim doʻppi. Xushbichim kostyum,

Oʻgʻiloy choʻlquvarlar farzandlariga chiroyli va xushbichim kiyimlar tikib berdi. — Oʻzbekiston qoʻriqlari

2. Boʻyi-basti kelishgan, qaddi-qomati chiroyli.

Xushbichim yigit.

Bir bayram kechasida uning [Nazokatning] sermaroq raqsi va xushbichim qaddi-qomatini koʻrgan qandaydir mehmon uni balet maktabiga taklif qildi. — Shuhrat, Umr pogʻonalari

3. Tashqi qiyofasi, tuzilishi, koʻrinishi chiroyli, kelishgan.

Xushbichim imorat.

Ulardan biri [Aliyev] barvasta qomat, quyuq qora qoshli, xushbichim chehrali yigit edi. — H. Shayxov, Rene jumbogʻi