Поиск

fl. Bezaklar bilan orolanmoq; oʻziga oro bermoq.

Eshigi nafis oʻymakorlik bilan bezangan koʻshkda hozir Boburni faqat xona oʻziga tortar edi. — P. Qodirov, Yulduzli tunlar

Oʻshanda olam kamalak nurlari bilan bezangan, maysalar shivirlagan, gullar tabassum qilgan, qushlar gʻazalxon-u eng yaxshi qoʻshiqlarni Ahmadjonga kuylaydi. — S. Nurov, Maysalarni ayoz urmaydi

Koʻklam qizi yuz ochdi, musaffo bezanibdur, Egnida yashil jomasi zebo bezanibdur. — Habibiy

fl. 1. Ziynat, bezak berib chiroyli qilmoq; husn kirgizmoq; koʻzni quvontiradigan holga keltirmoq.

Bahor keldi. Maktab sahnidagi oʻriklarni oq, pushti gullar bezadi. — P. Tursun, Oʻqituvchi

Kechasi bilan yoqqan qalin qor har bir tomni, devorni, har daraxt va gumbazni mayin oq hoshiya bilan bezab chiqqan. — P. Qodirov, Yulduzli tunlar

Yerlar koʻk gilamlar bilan bezalganda biz ham toʻy qilarmiz Shundaymi, Raʼno? — A. Qodiriy, Mehrobdan chayon

2. koʻchma Aqliy va maʼnaviy jihatdan boyitmoq; obroʻ keltirmoq.

Qarilikni donolik bezaydi, Yoshlikni — kamtarlik. — Soʻz koʻrki — maqol

Daraxtni — shirin meva, ustozni — oqil shogird bezaydi. — R. Usmonov, Odobnoma

Insonni uch narsa ziynat fazilatlari bilan bezaydi: aql-zakovati, mehnat-mashaqqati va odamlarga boʻlgan mehr-muhabbati. — Gazetadan

Insonni kuchli qiladigan, uni bezaydigan narsa maqsadi, toʻgʻrirogʻi maqsadlari birligidir. — X. Toʻxtaboyev, Shirin qovunlar mamlakati

узбекскийbezamoq, ziynatlamoqрусскийукрашатьанглийскийbeautify

Bu beglär qapuyin siyasat bezär Bu beglar eshigin siyosat bezar

Bu beglär qapuyin siyasat bezär Правителей украшает политика

Bu beglär qapuyin siyasat bezär Rulers are adorned with politics

узбекскийbezanmoq, yasanmoq, oro bermoqрусскийбыть украшенныманглийскийbe adorned

Bezänip bu dunya özin körkitür Bu dunyo bezanib oʻzini goʻzallashtiradi

Bezänip bu dunya özin körkitür Украсившись, мир становится красивым

Bezänip bu dunya özin körkitür Decorated, the world becomes beautiful

ot 1. Bezatish, yasatish vositasi; husn, koʻrk, chiroy beruvchi narsa; ziynat beruvchi buyum yoki naqsh.

Arxitektura bezaklari. Archa bezaklari. Bezak buyumlari. Badiiy bezak.

Egar jabduqlaridagi oltin bezaklari quyosh nurida yalt-yalt qilayotgan boʻz otni jilovdor yetaklab keldi. — P. Qodirov, Yulduzli tunlar

Nuri kiyinishni, bezakni sevar edi. Zirak, bilaguzuk, zarkokil, qoʻltiqtumor, tillaqosh, zebigardon kabi buyumlardan quti-quti yiqqan. — Oybek, Tanlangan asarlar

2. koʻchma Husn, koʻrk. Soʻz — kishining oʻzagi, Odob — kishining bezagi. Maqol. Til — aql bezagi. Maqol.

Yaxshi fazilatlar inson kamolotining bezagi, husni, jon rohati va farogʻatidir. — Gazetadan

Ezilmagan, urilmagan, lat yemagan.

Bezaxa qovun.

Bolalar olmalarni bezaxa qilib tera boshladilar. — Oʻzbek tili darsligi