Поиск

fl. 1. Ziynat, bezak berib chiroyli qilmoq; husn kirgizmoq; koʻzni quvontiradigan holga keltirmoq.

Bahor keldi. Maktab sahnidagi oʻriklarni oq, pushti gullar bezadi. — P. Tursun, Oʻqituvchi

Kechasi bilan yoqqan qalin qor har bir tomni, devorni, har daraxt va gumbazni mayin oq hoshiya bilan bezab chiqqan. — P. Qodirov, Yulduzli tunlar

Yerlar koʻk gilamlar bilan bezalganda biz ham toʻy qilarmiz Shundaymi, Raʼno? — A. Qodiriy, Mehrobdan chayon

2. koʻchma Aqliy va maʼnaviy jihatdan boyitmoq; obroʻ keltirmoq.

Qarilikni donolik bezaydi, Yoshlikni — kamtarlik. — Soʻz koʻrki — maqol

Daraxtni — shirin meva, ustozni — oqil shogird bezaydi. — R. Usmonov, Odobnoma

Insonni uch narsa ziynat fazilatlari bilan bezaydi: aql-zakovati, mehnat-mashaqqati va odamlarga boʻlgan mehr-muhabbati. — Gazetadan

Insonni kuchli qiladigan, uni bezaydigan narsa maqsadi, toʻgʻrirogʻi maqsadlari birligidir. — X. Toʻxtaboyev, Shirin qovunlar mamlakati

ot 1. Bezatish, yasatish vositasi; husn, koʻrk, chiroy beruvchi narsa; ziynat beruvchi buyum yoki naqsh.

Arxitektura bezaklari. Archa bezaklari. Bezak buyumlari. Badiiy bezak.

Egar jabduqlaridagi oltin bezaklari quyosh nurida yalt-yalt qilayotgan boʻz otni jilovdor yetaklab keldi. — P. Qodirov, Yulduzli tunlar

Nuri kiyinishni, bezakni sevar edi. Zirak, bilaguzuk, zarkokil, qoʻltiqtumor, tillaqosh, zebigardon kabi buyumlardan quti-quti yiqqan. — Oybek, Tanlangan asarlar

2. koʻchma Husn, koʻrk. Soʻz — kishining oʻzagi, Odob — kishining bezagi. Maqol. Til — aql bezagi. Maqol.

Yaxshi fazilatlar inson kamolotining bezagi, husni, jon rohati va farogʻatidir. — Gazetadan

sft. Biron narsa yoki kimsadan bezgan, yurak oldirib qoʻygan; toʻygan.

Bekorchidan hamma bezor. — Maqol

Dilozordan xudo bezor. — Maqol

Ernazar dangasaga aytinglar: mening tomonimga qaramasin, men unaqa odamdan bezorman. — S. Ayniy, Qullar

sft. 1. ayn. Zotsiz.

Bezot sigirlar.

2. esk. Asilzodalar, zodagonlar nasliga mansub boʻlmagan; nasli, zoti past.

Sidiqjon bezot, Sidiqjon gadobachcha — Toʻgʻri, lekin zamon shularniki boʻlsa, nima deysan? — A. Qahhor, Qoʻshchinor chiroqlari

Eshon:] Gapirma, bezot. Tagʻin qaytaradi-ya! — Hamza

— Biror bezot oʻgʻirlikka kelsa-chi? — deb vahima qiladi kampir. — M. M. Doʻst, Galatepa qissalari

Ezilmagan, urilmagan, lat yemagan.

Bezaxa qovun.

Bolalar olmalarni bezaxa qilib tera boshladilar. — Oʻzbek tili darsligi

sft. Or-nomusni bilmaydigan, gap taʼsir qilmaydigan; uyatsiz-andishasiz, beti qattiq, surbet.

Bezbetga qoshiq bersang, Bir oʻrniga besh oshar. — Maqol

— Oʻlguday bezbet ekansan-da, Nabigul! — deb [sherigining] bergan dashnomiga odatdagicha masxarabozlik bilan javob berdi. — A. Qahhor, Asarlar

Shu yoʻl bilan siringni yopmoqchi boʻldingmi? Yopolmaysan! Bezbet! — A. Qahhor, Qoʻshchinor chiroqlari