Qidiruv

ot 1. Hech narsa bilan shugʻullanmaslik, ishsizlik; boʻshlik.

2. ayn. Bekorchilik.

1. Hech qanday naf-foydasi boʻlmagani holda; befoyda, behuda.

Muharrir bir yarim soat bekorga oʻtgan vaqtga achinib, bizga quloq berdi. — A. Qahhor, Bek

Odamlar bekorga ovora boʻlmasin deyman-da. — M. Ismoiliy, Fargʻona tong otguncha

Tanlangan asarlar, muqaddas qurbonlar bekorga ketmadi. — N. Safarov, Olovli izlar

2. Arzirli sabab, asos boʻlmagani holda; boʻlar-boʻlmasga, vaj-sababsiz; oʻrinsiz.

Aniqroq qilib ayting, Musa aka, Boʻtaboy bekorga yomon otli boʻlib qolmasin. — S. Ahmad, Hukm

Bekorga yigʻlaysan, Raʼno! Yigʻidan bir foyda chiqqanini eshitganmisan yoki meni ham yigʻlatmoqchimisan? — A. Qodiriy, Mehrobdan chayon

Chumchuq soʻysa ham, qassob soʻysin, deb bekorga aytmaganlar. — P. Tursun, Oʻqituvchi

3. Pul yoki haq olmay, toʻlamay, tekinga; bepul.

— Yukni bekorga tashiymizmi, qovurgʻamiz sinay dedi! — qichqirishdi boshqalar. — Oybek, Tanlangan asarlar

Bekorga ham olmaydi hech kim bu eshagingizni. — Latifalar

ot 1. Ishsiz, bekor yuruvchi, qoʻli boʻsh.

Bekorchidan bezib qoch, Chaqimchidan — koʻchib. — Maqol

Qayoqqa qarasang, kambagʻal, bekorchi, nota zor odamlarni koʻrasan. — Oybek, Tanlangan asarlar

Oshxonada mudir edi — boʻshatishdi, hozir uyda, bekorchi. — S. Anorboyev, Oqsoy

2. koʻchma Foydalanilmay, ishlatilmay yotgan; ortiqcha; keraksiz.

Menda bekorchi pul yoʻq. Bekorchi qogʻoz.

3. Asos-haqiqati yoʻq; shunchaki, shunchaki aytilgan.

Bekorchi hazil chinga aylanib ketdi, axir. — Askiya

ot Ishdan xolilik, ishdan qoʻli boʻshlik; ish boʻlmagan payt.

Mamarasul bekorchilikdan pashsha tutib oʻtiribdi. — A. Qahhor, Asarlar

sogʻ odamga bekorchilikdan yomon dard yoʻq ekan. — S. Siyoyev, Avaz

Odamni baloga duchor qilsa qilsin, bekorchilikka mahkum etmasin. — A. Muxtor, Asarlar

ot Bekor yuruvchi; bemaqsad sangʻuvchi.

Quruq qaytib borsang, anavi bekorchixoʻjalardan qutulib boʻpsan. — Yoshlik

Bir-ikki bekorchixoʻja unga ham-roh boʻldi. — P. Gadoyev, Tushini suvga aytsin

Qishloq aholisiga yaxshi boʻlishi barobarida bir guruh bekorchixoʻja qalangʻi-qasangʻilarning ham kuni tugʻdi. — Yoshlik

1. Maqsadsiz, behuda.

Bekordan-bekorga oʻzini oʻtga-choʻgʻga urishdan nima foyda. — Oybek, Quyosh qoraymas

2. Asossiz, sababsiz.

Bekordan-bekorga ishdan olib tashlash qiyin. — S. Zunnunova, Yangi direktor

Moʻminlar, nega qarab turibsiz, bu shaytonbachcha bitta avliyo odamni bekordan-bekorga oʻldirib keta beradimi? — K. Yashin, Hamza

Uni bekordan-bekorga qamab qoʻyishi qiziq-ku! — Mirmuhsin, Meʼmor