fl. Baqraymoq feʼlining orttirma nisbati.
Qidiruv
«baqraytmoq» boʻyicha 4 ta natija: Izohli
Lugʻat maqolalari
4 tafl. 1. Hayrat va taajjubdan, qoʻrquvdan yoki gʻazabdan koʻzlarini katta ochib, chaqchayib qaramoq, tikilmoq.
Ha, maymun oʻynatyapmanmi, nega menga baqrayib qaraysan? — Saodat
Oʻtirgan paranjili xotinlardan biri bularga hadeb baqrayib qaragan yosh qizchasini yetalab, chetga chiqdi. — A. Muxtor, Opa-singillar
Beriroqda oʻtirganlar nima haqida bahs ketayotganiga uncha tushunolmay, bir-biriga baqrayishardi. — H. Nazir, Koʻkterak shabadasi
-Baqraymang, mulla Muhsin, — dedi kulimsirab Xatib domna — A. Qodiriy, Gʻirvonlik Mallavoy
Boqijon ogʻzini ochib, baqrayib qoldi. — Oybek, Oltin vodiydan shabadalar
2. Koʻzlari katta ochilgan holda qotib turmoq.
Keyin koʻzlari oʻlgan buzoqning koʻzlariday baqrayib qoldi. — K. Yashin, Hamza
Sayd avval baqrayib turdi-da, keyin Madinaning gapini tushundi. — Oybek, Oltin vodiydan shabadalar
fl. Baqraymoq feʼlining birgalik nisbati.
fl. 1. Koʻzlarini katta ochib, chaqchaytirib qarab turib (gʻazabdan yoki nazar-pisand qilmaganday).
Hakimboyvachcha Gulsumbibini kuch bilan siltab tortdi, koʻzlarini piyoladay baqraytirib bobilladi: Bas, uyatsiz maxluq! Oybek, Tanlangan asarlar.
Akmal akam sal nariroq turgan boʻlsa ham mayliga edi, koʻzini baqraytirib turib soʻragani nimasi?N. Fozilov, Qush qanoti bilan.
2. Koʻzlarini bir nuqtaga tikkan holda uyqusiz.
Ayvonda koʻzimni baqraytirib yotibman-u, shularni oʻylayman. E. Raimov, Ajab qishloq.
- Odamning koʻzini (yoki koʻzingni) baqraytirib Odamning koʻz oldida, odamning koʻziga qarab turib. Odamlaring yaramas boʻlsa, oʻgʻrilarga yoʻl ochiq. Kuppa-kunduzi koʻzingni baqraytirib talaydilar Oybek, Quyosh qoraymas.