сфт. 1. Бир-бирига юзланган ҳолатда, бир-бирига қараган ҳолда; бир-бирига яқин, юзма-юз, рўбарў.
Камол Жалолов монтажчи билан бақамти, дўстона суҳбатлашди. — Газетадан
— Мана энди бақамти гаплашайлик,— деди Жаҳонгиров. — И. Раҳим, Зангори кема капитани
Энди мен Ҳусан ака билан бақамти ўтириб гаплашишни истардим. — Ш. Холмирзаев, Оғир тош кўчса
2. Бақамти қилмоқ Юзма-юз қилмоқ, юзлаштирмоқ, учраштирмоқ.
Ораларидан гап қочиб, ўрталаридан қора мушук ўтган пайтларда Раҳимов кўпинча икковини бақамти қилиб, аҳил бўлинглар, деб насиҳат қиларди. — С. Аҳмад, Жимжитлик
- Бақамти келмоқ Юзма-юз келмоқ, юзлашмоқ, учрашмоқ. Офтоб ўчаётган маҳал икки одам бир-бирига бақамти келиб, чурқ этмай турарди. — С. Аҳмад, Жимжитлик