Qidiruv

загадка рыбка, рыбёшка

chelakcha, chelakcha ichida baliqcha вёдерко, в том вёдерке рыбёшка (Рот, язык)

ot 1. Suzgichlari boʻlgan, oyquloqlari orqali nafas oladigan, umurtqalilar kenja tipiga mansub suv jonivori.

Laqqa baliq. Qora baliq. Oltin baliq. Zogʻora baliq. Sachratqi baliq. Kizil baliq. Baliqning tirikligi suv bilan. — Maqol

Koʻlning otini baligʻi chiqarar. — Maqol

Baliqlar gavda harorati beqaror, sovuqqon jonivorlardir. — OʻzME

2. Ushbu suv jonivorining goʻshti.

Qovurilgan baliq. Tuzlangan baliq. Baliq kombinati. Eshak mingan ot soʻramas, Baliq yegan et soʻramas. — Maqol

Baliqni har kuni isteʼmol qila boshlagan odamlar orasida infarkt 50 foizga kamayar ekan. — Fan va turmush

3. Muchal yil hisobidagi beshinchi yil nomi.

ot 1. Baliq tutish (ovlash) bilan shugʻullanadigan shaxs.

Bobom baliqchi dongdor, Moʻynoqda chiqargan ot. — A. Oripov

[U] Matematik, muzikachi, baliqchi boʻlish bilan birga pazandalikka ham katta hissa qoʻshgan odam boʻlgan. — K. Mahmudov, Qiziqarli pazandali

2. zool. Suvdagi baliqlar bilan tirikchilik qiluvchi, choʻlduqsimonlar turkumiga mansub qushlar oilasi.

Koʻk baliqchi. Kumush baliqchi. Qorabosh baliqchi.

Baliqchining tashqi tuzilishi suv-havo muhitida yashashga moslashgan boʻlib, oyoqlari toʻrt barmoqli, oldingi uch barmogʻi orasida suzgich pardalari bor. — OʻzME

ot 1. bot. Shoʻradoshlar oilasiga mansub, shoʻrxok yerlarda oʻsadigan bir yillik oʻt.

Ilgari ana shu adirlarda butun bir qishlovga yetib, ortib qoladigan yem-xashak bop sunbul, soʻzan, roʻyan, olaboʻta, baliqkoʻz, jingul singari yuz xil toʻyimli giyohlar tizzaga urib yotardi. — J. Abdullaxonov, Xonadon

2. Koʻzi chaqchaygan, chaqchayma koʻz.

— Yoʻq, bir narsaga pushaymon qilayapman, — dedi arslonqomat, baliqkoʻz yigit. — Oybek, Oltin vodiydan shabadalar

ot Baliq pishiruvchi, baliqdan taom tayyorlovchi oshpaz.

Baliqpaz ikki boʻlak chala pishgan baliq dumini keltirib, chipta ustiga qoʻyib ketdi. — S. Siyoyev, Avaz

Baliqpaz kirdi. Kapitan uning ham kimligini yozib oldi. — Yoshlik

ot s. t. Balxi tut.

Hovlining oʻrta yerida pakanagina baliqtut oʻsib, ostiga kul va boshqa axlatlar toʻplangan edi. — A. Qodiriy, Oʻtgan kunlar