сфт. 1. Хотиржамлик билан, хотиржам ҳолда; шошмасдан, бамайлихотир, бемалол.
[Қосимжон:] Ҳозир идорага бориб келаман, кейин бафуржа гаплашамиз. — Ў. Умарбеков, Юлдузлар
Бугун дам олиш куни бўлгани учун Элмурод бафуржа турди. — Шуҳрат, Шинелли йиллар
— Чойни ўзингиз бафуржа ичаверинг, — деди у. — Ҳ. Ғулом, Машъал
2. Кейинчалик, қулай пайтда; кечроқ.
— Юринг, [фермани] кўрсатаман, — деб қистади Татяна. Кампир бафуржа келишга ваъда берди. — И. Раҳим, Ҳаёт булоқлари
— Қўзғалманглар, — деди бизга самоварчи, — ҳали аравакаш бу ерда дам олиб, бафуржа жўнай-ди. — Н. Сафаров, Оловли излар