Қидирув

от 1. шв. Бола.

Дуойи салом ўша баччаларнинг онасига, умид билан бир ёстиққа бош қўйиб, кеча-кундуз дуойи жонимда бўлганга! Ойдин, Ширин келди.

2. этн. Бировнинг (акаваччасининг) қарамоғида ва ихтиёрида бўлган хушрўй, келишган ўйинчи ўғил бола; бесоқол.

Ўша бачча ҳам одам фарзанди. Ота-онаси камбағалликдан уни баччаликка сотгандир. — Ойбек, Танланган асарлар

3. Умуман ўйинчи бола, раққос.

Ноғорачининг баччаси.

Ўртада ўн олти-ўн етти яшар бачча ўйнайди. — Ойбек, Танланган асарлар

Ноғора чўпининг тез урилиши, баччанинг бир айланиши ва кучли, ялпи қийқириқ билан базмнинг биринчи қисми тугади. — Ойбек, Танланган асарлар

от этн. Бачча сақловчи шахс; болабоз, бесоқолбоз.

Боз-боз, дорбоз, найрангбоз, баччабоз, қиморбоз, беданабоз, каптарбоз каби бозларни ман қилсангиз, менга иш топиб бер дейдиган кўпаяди-қолади. — Луқмони Ҳаким

от 1. сўк. Нафрат, ғазаб билан қаттиқ койишни ифодалайди.

Бой: хотинлик бўлиб қолганингга шукур қилсангчи, баччағар!

Бой ила хизматчи.

— Олиб бор, баччағарни! Қамаб қўй! — деб бақирди мингбоши. — Чўлпон, Кеча ва кундуз

2. Енгил койиш, норозиликни ифодалайди.

Жилла қурса, оқ соқолимни ҳурмат қилмади-я, баччағар. — Ёшлик

— Ма, баччағар, ҳазиллашган эдим, ҳазилни билмайсанми, — деб рўмолини қўлига берди. — Ойсулув

от 1. шв. Гўдаклик, болалик даври.

Баччаликдаги қилиқлари эсига тушди, уйқуси қочди, дарёдай тошди. — Қўшиқлар

Отининг ёлин таради, Баччалик даврин суради. — Гулшанбоғ

..бир безори ва чапани ҳолда баччалик даври билан хайрлашди. — А. Қодирий, Меҳробдан чаён

2. этн. Бачча мақомида, ҳолатида бўлиш (

Баччанинг ота-онаси [боласини] баччабозға баччалик учун берса олти ойдан кам бўлмағон муҳлатга озодликдан маҳрум қилинур. — Газетадан

от айн. Талоқ қилинган хотиндан туғилган бола, талоқ қилинганнинг боласи; енгил койишни ифодаловчи сўкиш шакли.◆

Ҳе, гап билгунча иш бил, баччаталоқ. — А. Қодирий, Меҳробдан чаён

Нима демоқчисан, шу баччаталоқ чолнинг боласига қизимни берайми? — Эртаклар

от Эндигина пишиб келаётган, ҳали ғўра мева ҳақида.

Баҳорнинг олд меваси тут баччахўрак бўлиши билан мени қидирган одам дарвозамиз рўпарасидаги қаландархона хиёбонидан топарди. — Н. Сафаров, Наврўз